جامی‌ خولی‌ ئاشتی‌ و برایه‌تی‌ كوردستان بۆ یانه‌ی‌ ده‌ربه‌ندیخان بوو




پێشمه‌رگه‌ سپۆرت - میران محه‌مه‌د

له‌ شاری‌ سلێمانی‌ و له‌ نێو هۆڵی‌ داخراوی‌ یانه‌ی‌ وه‌رزشی‌ پێشمه‌رگه‌ له‌ ناوچه‌ی‌ شه‌كره‌كه‌ ، یاری‌ كۆتایی‌ خولی‌ ئاشتی‌ برایه‌تی‌ باله‌ی‌ كوردستان به‌ڕێوه‌ چوو .

خوله‌كه‌ له‌ ژێر سه‌رپه‌رشتی‌ یه‌كێتی‌ باله‌ی‌ سلێمانی‌ و به‌ هاوكاری‌ هه‌ریه‌ك له‌ یانه‌كانی‌ پێشمه‌رگه‌ و سلێمانی‌ ئه‌نجام درا و له‌ دوا یاری‌ خوله‌كه‌ تیپی‌ باله‌ی‌ یانه‌كانی‌ ده‌ربه‌ندیخان و ته‌ق ته‌ق ڕوبه‌ڕوی‌ یه‌ك بونه‌وه‌ .

یاری‌ نێوان هه‌ردوو تیم به‌ ئاماده‌بوونی‌ به‌ڕێز مه‌حمود ئه‌حمه‌د موراد جێگری‌ سه‌رۆكی‌ یانه‌ی‌ وه‌رزشی‌ پێشمه‌رگه‌ و فیكره‌ت خه‌سره‌و سه‌رۆكی‌ یه‌كێتی‌ باله‌ی‌ كوردستان و میوانێكی‌ به‌رچاو و له‌ كاتژمێر 2:00 ی‌ پاش نیوه‌ڕۆی‌ ڕۆژی‌ چوار شه‌ممه‌ 29 ی‌ 12 / 2021 و به‌ ناوبژیوانی‌ شوان عه‌لی‌ و محه‌مه‌د غه‌ریب ئه‌نجام دراو سه‌ره‌تا و پێش ده‌ست پێكی‌ یاری‌ ئاماده‌بووان ده‌قیقه‌یه‌ك بۆ گیانی‌ پاكی‌ شه‌هیدانی‌ كوردستان وه‌ستان و دواتر و دوایی‌ یارییه‌كی‌ به‌هێز سه‌رئه‌نجام یانه‌ی‌ ده‌ربه‌ندیخان به‌ ئه‌نجامی‌ 3-1 گێم یارییه‌كه‌یان برده‌وه‌ .

دوایی‌ كۆتاهاتنی‌ یارییه‌كه‌ش له‌ مه‌راسیمێكی‌ وه‌رزشی‌ دا خه‌لاَته‌كانی‌ تیپه‌كان و یاریزانان كراو هه‌روه‌ك ناوبژیوانان و هاوكارانی‌ خوله‌كه‌ دیاری‌ تایبه‌تیان پێبه‌خشرا .


PM:10:12:29/12/2021




ئه‌م بابه‌ته 2052 جار خوێنراوه‌ته‌وه‌‌