تایبه‌ته‌ به‌ لاوانی‌ كوردستان : دوو خول یان بۆ ئه‌نجام ده‌درێت




پێشمه‌رگه‌ سپۆرت 

پاش ئه‌وه‌ی‌ له‌ كۆبونه‌وه‌ی‌ یه‌كێتی‌ ناوه‌ندی‌ تۆپی‌ پێی‌ كوردستان بڕیار درا كه‌ خولی‌ نایاب بۆ وه‌رزی‌ 2021 ئه‌نجام نه‌دریَت ، یه‌كێتیه‌كه‌ پێداچونه‌وه‌ی‌ به‌و بڕیاره‌ی‌ كردوو ، بڕیاری‌ دا خولی‌ نایابی‌ لاوانی‌ یانه‌كانی‌ كوردستان و جامی‌ لاوانی‌ كوردستان ئه‌نجام بدات .

بۆ ئه‌و مه‌به‌سته‌ش لیژنه‌ی‌ پێشبڕكێكانی‌ یه‌كێتی‌ ناوه‌ندی‌ تۆپی‌ پێی‌ كوردستان ئاگاداری‌ ته‌واوی‌ یانه‌كانی‌ به‌شداری‌ خولی‌ نایاب  ده‌كات كه‌ خولی‌ نایابی‌ لاوان له‌ كات و واده‌ی‌ خۆی‌ ئه‌نجام ده‌درێت و سه‌رجه‌م یانه‌كانی‌ كوردستانیشی‌ ئاگادار كردووه‌ له‌ به‌شداریان له‌ جامی‌ لاوانی‌ یانه‌كانی‌ كوردستان كه‌ به‌شداری‌ یانه‌كان له‌و جامه‌دا ئاره‌زوومه‌ندانه‌یه‌ ، لیژنه‌ی‌ ناوبراو كۆتا واده‌ی‌ به‌شداری‌ یانه‌كانی‌ بۆ 28 ی‌ نیسانی‌ 2021 دیاری‌ كردووه‌ له‌ گه‌یاندنی‌ نوسراوی‌ یانه‌كانیان به‌ یه‌كێتی‌ ناوه‌ندی‌ تۆپی‌ پێی‌ كوردستان .



PM:04:15:22/04/2021




ئه‌م بابه‌ته 1256 جار خوێنراوه‌ته‌وه‌‌