پێشمه‌رگه سپۆرت - میران محه‌مه‌د
تیمی تۆپی پێی یانه‌ی وه‌رزشی پێشمه‌رگه له ده‌ره‌وه‌ی یاریگه‌كه‌ی بووه میوانی یانه‌ی سامه‌را .
كاتژمێر 4:00 ی ئێواره‌ی ڕۆژی یه‌ك شه‌ممه 19 ی ئایاری 2024 و له‌سه‌ر یاریگه‌ی یانه‌ی سامه‌را ، هه‌ردوو تیمی تۆپی پێی یانه‌كانی سامه‌را و پێشمه‌رگه به یه‌ك گه‌یشتن ، له‌و یارییه‌دا كه له جه‌وله‌ی 21 ی خولی نایابی یانه‌كانی عێراق بوو تێیداو دوایی ڕكابه‌ریه‌كی به‌هێز دواجار هه‌ردوو تیم به دوو گۆڵ یه‌كسان بوون .
له سه‌ره‌تای نیوه‌ی یه‌كه‌مه‌وه یاریزانانی خاوه‌ن یاریگه توانیان بالاَ ده‌ست بن و له خوله‌كه‌كانی 16 و 35 ئه‌حمه‌د كازم و محه‌مه‌د حسن دوو گۆڵی تیمی یانه‌ی سامه‌رایان تۆمار كرد .
ئه‌مه‌و له‌گه‌ڵ كۆتاهاتنی نیوه‌ی یه‌كه‌می یاری ، پلانی ڕاهێنه‌ری پێشمه‌رگه گۆڕانكاری به‌سه‌ر هات و له نیوه‌ی دووه‌م توانی یاریزانه‌كانی بگه‌ڕێنێته‌وه نێو كه‌شی یاری و له خوله‌كه‌كانی 74 و 80 حسین نه‌جم و ئیبراهیم محه‌مه‌د ئه‌نجامه‌كه‌یان بۆ پێشمه‌رگه‌كان یه‌كسان كرده‌وه و سه‌رئه‌نجام یاری به دوو گۆڵ بۆ هه‌رلایه‌كیان كۆتایی هات .