پێشمه‌رگه سپۆرت - میران محه‌مه‌د
له شاری كه‌ركوك ،، یه‌كێتی ناوه‌ندی كاراتێی عێراق به هاوكاری لقی یه‌كێتییه‌كه‌ی پاڵه‌وانێتی كاراتێی لاوانی ناوچه‌ی باكوری بۆ ئاستی كوڕان ئه‌نجام دا .
له‌و پاڵه‌وانێتیه‌دا و دوایی ڕكابه‌رییه‌كی یه‌ك ڕۆژی یاریزانان دواجار ، تیمه‌كه‌ی پێشمه‌رگه به كه‌مترین یاریزانی توانی پله‌ی دووه‌م به‌ده‌ست بهێنێت ئه‌وه‌ش دوایی كۆكردنه‌وه‌ی 22 خاڵ .
ئه‌مه‌و پله‌ی یه‌كه‌می ئاستی لاوان بۆ یانه‌ی خورماڵ بوو به 40 خاڵ و هه‌رچی چه‌م چه‌ماڵ یش بوو 18 خاڵ یان كۆكرده‌وه و بونه خاوه‌ن پله‌ی سێهه‌می پاڵه‌وانێتیه‌كه .
سه‌باره‌ت به ئه‌نجامه‌كانی تیمی كاراتێی یانه‌ی پێشمه‌رگه ، توانا سه‌عید كارگێڕی تیمی كاراتێی یانه‌كه بۆ پێشمه‌رگه سپۆرت ڕونكردنه‌وه‌ی زیاتری داو ووتی ، به كه‌مترین یاریزان به‌شداریمان له‌م پاڵه‌وانێتیه‌دا كرد و به‌هۆی پێكانی یاریزانانمان نه‌مان توانی وه‌ك پێویست نمایشی هێز و توانای خۆمان بكه‌ین .
توانا وتیشی ، تیمه‌كه‌ی پێشمه‌رگه به‌و ژماره كه‌مه‌ی یاریزانان به‌شداری كردووه و خۆش به‌ختانه‌ش توانیمان ئه‌و ئه‌نجامانه به‌ده‌ست بهێنین .