پێشمه‌رگه سپۆرت - میران محه‌مه‌د
هه‌ردوو كیژه یاریزان چاوان به‌هادین و مریه‌م عه‌بدول حه‌مید له تیمی گۆڕه‌پان و مه‌یدانی یانه‌ی پێشمه‌رگه توانیان ده‌ست كه‌وت و نازناو بۆ یانه‌كه‌یان و ولاَتی عێراق له پاڵه‌وانێتی عه‌ره‌بی به‌ده‌ست بهێنن دوای ئه‌وه‌ی ئاڵتون و زیویان له مل كرا .
له شاری شاریقه و له درێژه‌ی یارییه‌كانی پاڵه‌وانێتی گۆڕه‌پان و مه‌یدانی ولاَتانی عه‌ره‌بی و له یاری سێ باز ، چاوان به‌هادین ی كیژه پێشمه‌رگه‌كه‌ی كوردستان توانی به خۆ هه‌ڵدانی 11،48 م پله‌ی یه‌كه‌م و میدالیای ئاڵتون به‌ده‌ست بهێنێت .
له هه‌مان یاری پله‌ی دووه‌م بۆ ئایه وه‌لید بوو له ولاَتی میصر به 11،44 م ، ئه‌مه‌و له یاری بازی به‌رز مریه‌م عه‌بدول حه‌میدی كیژه یاریزانی یانه‌ی پێشمه‌رگه به 1،67 سم پله‌ی دووه‌م و میدالیایی زیوی برده‌وه و نازناوی ئه‌و یاریه‌ش بۆ ولاَتی میصر بوو به جیاوازی 3 سانتیم كه 1،70 سم .