مەلەکردن لە هاویندا وەک وەرزشێک




تەندروستی‌ -

ئامادەکردنی‌ : گوڵزار فەرەج 

لەگەڵ گەیشتنی‌  وەرزی‌ گەرما  مەلەکردن لەناو  گشت جۆرەکانی‌ وەرزشدا لایەنگرانی‌ خۆی‌ هەیە ، پسپۆڕانی‌ پزیشکی‌  وەرزشی‌ ئەڵمانی‌ جەخت لەسەر ئەوە دەکەنەوە  کە مەلەکردن و چالاکی‌  لەش  دەبێتە هۆی‌ ئەوەی‌  کە مرۆڤ هەست بە خۆشی‌ بکات و  دڵە ڕاوکێ و خەمۆکی‌ کەم دەکاتەوەو خەویش باشتر دەکات ، مەلە کردن دەبێتە هۆی‌ چالاکی‌ دڵ و  ماسولکەکان و دابەزینی‌ چەوری‌ کە ئەمەش خۆی‌ لە خۆیدا وەک وەرزشێکی‌ جه‌سته‌ی‌  سەیری‌ دەکرێت ، لە کاتی‌ مەلە کردندا هیچ پەستانێک لەلایەن زەوییەوە نامێنێت و ئەوەش جومگەکان  لە پەستان و لێک  کشان دور دەخاتەوە ، شایانی‌ باسە مەلە کردن  هیچ پەستانێک ناخاتە سەر لەش و مرۆڤ دەتوانێ  تا تەمەنی‌ ١٠٠ ساڵ مەلە بکات  ئەوانەی‌ دووچاری‌ پێکان دەبن  دەتوانن وەک چارەسەر  سود لە مەلە کردن ببینن  بەتایبەتی‌ ئەگەر پێکانەکە لە بەشی‌ خوارەوەی‌ لەش بێت ، لەبەر ئەوەی‌ بەرگری‌ ئاو دەبێتە هۆی‌ ئەوەی‌  کە ماسولکەکان بە بێ هیچ  پەستانێک  لەسەر  ئاو بەباشی‌  کاربکەن بۆ ئەوانەی‌  کە چالاکی‌ ڕۆژانەیان  کەمەو کێشیان زۆرە  مەلە کردن باشترین شێوازە بۆیان .

مەلە کردن ئەبێتە هۆی‌  سوتانی‌ ڕێژەی‌ ٥٠٠ تا ٦٠٠کالۆڕی‌ لە  کاتژمێرێکدا  ئەوەش پەیوەستە بەوەی‌  کە ماوەی‌ مەلە کردنەکە چەندە .



PM:09:00:22/05/2021




ئه‌م بابه‌ته 984 جار خوێنراوه‌ته‌وه‌‌