باخداری‌ وەک وەرزشێک




تەندروستی‌ -

ئامادەکردنی‌ : گوڵزار فەرەج

توێژینەوەیەکی‌ بەریتانی‌  گەیشتە ئەو ئەنجامەی‌  تەرخانکردنی‌ نیو کاتژمێر لە هەفتەیەکدا بۆ باخداری‌ بۆ هزری‌ مڕۆڤ لەهەمان کاتیشدا  بۆ جەستەو دەرونیش بە سودە .

توێژینەوەکە لەلایەن  هەردوو زانکۆی‌  وێست مینیستەر و سایکس لەسەر ٢٧٠ کەسی‌  باخدارو  ژمارەیەکی‌ دیکە  لە خاوەن  پیشەگەلی‌  جیاواز   ئەنجامدراوە ، توێژەران بۆیان دەرکەوت  باخداری‌  هزری‌ مرۆڤ بەهێز دەکات  ، هەروەک  هەفتانە تەنیا نیو کاتژمێر  باخداری‌ دەبێتە  یارمەتیدەر  لە ڕێکخستنی‌  کێشی‌  جەستەو  لەرووی‌ دەرونیشەوە  لە دژی‌ خەمۆکی‌  و دڵە ڕاوکێ و توڕەییە .

هەروەک دەرکەوت ئەوانەی‌ بە ڕێک و پێکی‌  باخداری‌ دەکەن بەژن و باڵایەکی‌  ڕێکتریان  هەیەو کەمتر  توشی‌ قەڵەوی‌ دەبن بەوەش  کەمتر توشی‌ نەخۆشییە  هاوچەرخەکان دەبن  کە هۆکارێکی‌ سەرەکییان قەڵەوییە ،
ڕێکخراوە  تەندروستیەکان زیاتر هانی‌  خەڵکی‌ دەدەن  سود  لە سەربانەکانیان وەربگرن وەک  کێڵگەیەکی‌ بچوک کاری‌ تێدا بکەن  وسەرقاڵبن پێوەی‌ ، هەروەها داوا لە حکومەتەکانیش کراوە لە نێو شارەکاندا ڕوبەری‌  تایبەت بۆ  بێستان و باخ دابین کەن  تاکو ببێتە  سەرچاوەی‌  وەرزشێکی‌  چێژ بەخش  بۆ خەڵکی‌ ٠



PM:03:41:02/05/2021




ئه‌م بابه‌ته 784 جار خوێنراوه‌ته‌وه‌‌