ئایا تەقاندنی‌ پەنجەکان زیانی‌ هەیە




تەندروستی‌ -

ئامادەکردنی‌ :گوڵزار  فەرەج

تیمێک لە زانایان و  پزیشکانی‌  ئەمەریکی‌  لێکۆڵینەوەیەکیان ئەنجامدا  سەبارەت  بە زیانەکانی‌  تەقاندنی‌  ئێسکەکانی‌ پەنجە .

زۆربەی‌  خەڵکی‌ پێیان وایە  ئەم جۆرە ڕەفتارە  زیانی‌ هەیە  ،جومگە  ئەو شوێنەیە  کە دوو ئێسک  تیایدا  بەیەکەوە  بەستراون و داپۆشراون ، کاتێک پەنجەمان دەتەقێنین  بۆشایی‌ نێوان  ئێسکەکان لەناو جومگەدا  زیاتر دەبێت ، لەم کاتەدا  شلەی‌ ناو جومگەکان  بەشی‌  ئەو بۆشاییە  نوێیە ناکات  کە دروست بووە ، هەر بۆیە  پەستان لەناو جومگەکەدا کەم دەبێتەوەو سەرئەنجام بڵقێکی‌  پڕ لە گاز دروست دەبێت  و دواتر دەتەقێت ٠ هەر یەک لە دکتۆر  ڕۆبێرت بوتن و ڕۆبێرت سزا توێژینەوەکەیان لەسەر  ٤٠ کەس ئەنجام دا کە ٣٠  کەسیان بەردەوام  پەنجەی‌ خۆیان دەتەقاند  و ١٠ کەسیشیان  بە هیچ شێوەیەک  پەنجەی‌ خۆیان نەدەتەقاند ، ئەو دوو پزیشکە لە ئەنجامدا بۆیان دەرکەوت  کە تەقاندنی‌ پەنجەکان  نەک زیانی‌  نیە ،  بەڵکو سودی‌ هەیەو  وەک گەرمبونێک  وایە  بۆ جومگەکان٠

رەنگە ڕێگەیەکی‌ زۆر باشیش بێت بۆ ڕێگری‌ کردن  لە هەندێ نەخۆشی‌  جومگەکان ، هەر لە توێژینەوەکەدا دەرکەوت  ئەوانەی‌ پەنجەی‌ خۆیان دەتەقێنن  چانسی‌  توشبونیان بە  بە هەڵئاوسان و  ئازاری‌ جومگەکان کەمتر بێت ،  بەڵام خووگرتن  بە زۆر تەقاندنی‌  پەنجەکان ڕەنگە نیشانەیەک بێت بۆ  نەخۆشی‌ دەروونی‌ ٠


PM:04:51:07/04/2021




ئه‌م بابه‌ته 584 جار خوێنراوه‌ته‌وه‌‌