وەرزشەكانی كاردیۆ و قورسایی بۆ لەش بەسودن




ته‌ندروستی‌ -

ئاماده‌كردنی‌ : گوڵزار فه‌ره‌ج

حەزی وەرزش  ئێستا  بوەتە  ھێزێكی  نەرم و  خەڕیكە  تەوژمی  ئەم وەرزشانە  ھەموو  كونج و  كەلەبەڕێكی  ئەم  جیھانە  دەگڕێتەوە چونكە  لەرابردودا  یەكجار بەم  شێوەی  ئێستا  ھەموو  تەمەنەكان  خولیای یاری و وەرزشە  جۆر بەجۆرەكان  نەبون .

ئەتوانین  بڵێن  ئێستا  وەرزش  لەگەشەی  خۆیدایەو  ئەگەر ئەم  پەتای  كۆڕۆنایە  نەبوایە و  زیاترو  زیاتر  گەشەی  ئەسەند ، وەرزشكردن  یەكەمین  ھەنگاوە بۆ كەمكردنەوەی  ھەموو  جۆرەكانی  نەخۆشی  و  فشاری  دەرونی .

وەرزش نەكردن ئەبێتە  ھۆی  نەجوڵانی جومگەكان و ھەوكردنیان و  رەقبونی  ئێسقانیش  كە  لەدوای  ماوەیەك   ئەستەمە بتوانڕێ  بەپێ  ڕۆشتن  ئەنجامبدڕێت ، سودەكانی  وەرزش  ھەریەك  بەپێ  جۆری ڕاھێنان و قورساییەكان  دەگۆڕێ  ، وەرزشی  كاردیۆ وەك  وەرزشەكانی  تر یارمەتیدەرێكی  باشە  بۆ ماسولكەكان  دوای یاری  قورسایی ، ستڕێس كەم دەكاتەوەو بیرو  ھۆش چالاك  دەكات و كالۆری  زۆر  دەسوتێنێت بۆ ماوەیەكی  دڕێژ  ئەمیش وەك  ڕاكردن و  ئایرۆبیك  سودێكی  لەرادە  بەدەریان  ھەیە  ھەرچی  وەرزشی  قورسایش  ھەیە  ھێز زیادەكات  و ماسولكەی وشك زیاد  دەكات ، مەبەست لەو  ماسولكانەیە  كە بەھۆی  گرفتێكەوە لەكار  ئەكەون  ، وەرزشی  قورسایی  ئەبێتە  ھۆی  دووبارە  ژیانەوەی  ئەو ماسولكانە 
، ھەروەھا وەرزشكردنی  قوڕسایی چڕی ئێسك زیاد  دەكات و تەندروستی  لەش   چالاك دەكات ، ھەر چۆن  وەرزشكردن  جوڵەی گەدەو  ڕیخۆڵە  ئاسان  و ڕێك دەخات و كاری گورچیلەكان   ڕێكدەخات ، ماسولكەكانی  جەستە لە ھیلاك بون دەپاڕێزێت و شێوەیەكی  جوانتر  دەبەخشێت  بە  جه‌سته‌ی‌ مڕۆڤ  .


PM:07:54:11/11/2020




ئه‌م بابه‌ته 748 جار خوێنراوه‌ته‌وه‌‌