كچانی‌ تۆپی‌ سه‌رمێزی‌ پێشمه‌رگه‌ ده‌چنه‌ شاری‌ دهۆك




پێشمه‌رگه‌ سپۆرت - 

كچانی‌ پێشمه‌رگه‌ به‌شداری‌ له‌ پاڵه‌وانێتی‌ تۆپی‌ سه‌رمێزی‌ یانه‌كانی‌ كوردستان ده‌كه‌ن كه‌ بڕیاره‌ یاریه‌كانی‌ له‌ به‌رواری‌ 14 تا 16 / 3 / 2019 و له‌ شاری‌ دهۆك به‌ڕێوه‌ بچێت .

له‌وباره‌یه‌وه‌ به‌ڵێن حه‌یده‌ر ڕاهێنه‌ری‌ تیپی‌ تۆپی‌ سه‌رمێزی‌ كچانی‌ یانه‌ی‌ وه‌رزشی‌ پێشمه‌رگه‌ تایبه‌ت به‌ پێشمه‌رگه‌ سپۆرت ووتی‌ ، ئاماده‌كاری‌ ته‌واومان كردووه‌ و به‌ سێ‌ كیژه‌ یاریزانی‌ به‌ ئه‌زموون و ئاست به‌رز به‌شداری‌ له‌ ڕكابه‌رییه‌كانی‌ ئه‌و پاڵه‌وانێتیه‌ ده‌كه‌ین و بۆ نازناو و جامی‌ پاڵه‌وانێتیه‌كه‌ش ده‌چینه‌ شاری‌ دهۆك .

به‌ڵێن سوپاسی‌ یانه‌كه‌یانی‌ كرد بۆ پاڵپشتی‌ و هاوكاریان و به‌ڵێنی‌ دووپات كرده‌وه‌ كه‌ بۆ ئه‌نجام كۆڵ نه‌ده‌ن و هه‌رده‌م جامه‌كان بۆ یانه‌كه‌یان به‌ده‌ست بهێنن .

دواجار ڕاهێنه‌ری‌ كچانی‌ پێشمه‌رگه‌ سوپاسی‌ به‌ڕێز مه‌حمود ئه‌حمه‌د مورادی‌ جێگری‌ سه‌رۆكی‌ یانه‌ی‌ كرد كه‌ له‌ نزیكه‌وه‌ ئاگاداری‌ تیپه‌كه‌یانه‌ و خه‌م خۆر و پاڵپشتیانه‌ .

جێگه‌ی‌ باسه‌ تیپی‌ كچانی‌ یانه‌ی‌ پێشمه‌رگه‌ بۆ پێنج ساڵی‌ له‌سه‌ر یه‌كه‌ نازناوی‌ پاڵه‌وانێتی‌ كوردستان به‌ده‌ست دێنێت و هه‌روه‌ك له‌ ساڵی‌ 2018 ش پاڵه‌وانی‌ عێراقیان له‌ده‌ست نه‌دا.


PM:04:52:10/03/2019




ئه‌م بابه‌ته 1305 جار خوێنراوه‌ته‌وه‌‌