پاڵه‌وانێتی‌ گۆڕه‌پان و مه‌یدانی‌ یانه‌كانی‌ كوردستان ده‌ستی‌ پێكرد - كوڕان و كچانی‌ پێشمه‌رگه‌ له‌ ململانێی‌ به‌هێزدان




پێشمه‌رگه‌ سپۆرت -

به‌سه‌رپه‌رشتی‌ یه‌كێتی‌ ناوه‌ندی‌ گۆڕه‌پان و مه‌یدانی‌ كوردستان و به‌ هه‌ماهه‌نگی‌ لقی‌ سلێمانی‌ یه‌كێتیه‌كه‌ له‌ شاری‌ سلێمانی‌ و له‌سه‌ر تراكه‌كانی‌ یاریگه‌ی‌ زانكۆی‌ سلێمانی‌ پاڵه‌وانێتی‌ گۆڕه‌پان و مه‌یدانی‌ كوڕان و كچانی‌ یانه‌كانی‌ كوردستان ده‌ستی‌ پێكرد .

له‌ پاڵه‌وانێتیه‌كه‌دا كوڕان و كچانی‌ پێشمه‌رگه‌ی‌ سلێمانی‌ توانیان چه‌ندین ئه‌نجامی‌ به‌رچاو به‌ده‌ست بهێنن و چوار ژماره‌ی‌ پێوانه‌یی‌ نوێشیان تۆمار كرد .

له‌ یاری‌ 400 مه‌تر به‌ربه‌ست كچه‌ یاریزانی‌ یانه‌ی‌ وه‌رزشی‌ پێشمه‌رگه‌ ئه‌ڤین سه‌عید توانی‌ ژماره‌ی‌ پێوانه‌یی‌ كوردستان بشكێنێت كه‌ پێشتر به‌ ناوی‌ شه‌مام سه‌مه‌د بوو له‌ یانه‌ی‌ پێشمه‌رگه‌ .

هه‌رچی‌ له‌ یاری‌ 400 مه‌تر به‌ربه‌ستی‌ كچان بۆ ئاستی‌ تازه‌پێگه‌یشتوان بوو هۆنیا ڕه‌فعه‌ت توانی‌ ژماره‌ی‌ پێوانه‌یی‌ تۆمار بكات و ژماره‌كه‌ كۆنه‌كه‌ی‌ شكاند .

ئه‌مه‌و له‌ یاری‌ هه‌ڵدانی‌ قورسایی‌ بۆ ئاستی‌ تازه‌پێگه‌یشتوان كچه‌ یاریزانی‌ یانه‌ی‌ پێشمه‌رگه‌ هۆنیا غه‌ریب توانی‌ ژماره‌ی‌ پێوانه‌یی‌ كوردستان بشكێنێت كه‌ پێشتر به‌ ناوی‌ بژان خۆشڤی‌ بوو .

ئه‌مه‌و كچانی‌ پێشمه‌رگه‌ دووباره‌ له‌ یاری‌ 4 × 100 توانیان ژماره‌ی‌ پێوانه‌یی‌ نوێ‌ تۆمار بكه‌ن كه‌ پێشتر به‌ ناوی‌ كچانی‌ یانه‌ی‌ هه‌ولێر بوو .

هه‌رچی‌ كوڕانی‌ پێشمه‌رگه‌ی‌ سلێمانی‌ یه‌ چه‌ندین پله‌ی‌ یه‌كه‌میان به‌ده‌ست هێنا و له‌ پێشه‌نگی‌ تیمی‌ هاتن .

ئه‌نجامی‌ تیمییه‌كان :

كوڕان پێشكه‌وتوان ، پێشمه‌رگه‌ 53 خاڵ له‌ پێشه‌نگ دێت

تازه‌پێگه‌یشتوانی‌ كوڕانی‌ پێشمه‌رگه‌ و سه‌رچنار به‌ 40 خاڵ یه‌كسانن .

له‌سه‌ر ئاستی‌ كچانیش پێشمه‌رگه‌ی‌ سلێمانی‌ به‌ 54 خاڵ له‌ پله‌ی‌ دووه‌م دێت و له‌سه‌ر ئاستی‌ تازه‌پێگه‌یشتوانیش پێشمه‌رگه‌ی‌ سلێمانی‌ پێشه‌نگی‌ ڕیزبه‌ندی‌ یانه‌كانی‌ گرتووه‌ .




PM:08:41:07/11/2019




ئه‌م بابه‌ته 2688 جار خوێنراوه‌ته‌وه‌‌