لەکاتی هەڵپچڕینی شرووب یاخود قەترە دایك و باوك ده‌پرسن ماوه‌ی‌ چه‌ند ئه‌م ده‌رمانانه‌ پاش هه‌ڵپچڕینیان بۆ به‌كارهێنان سه‌لامه‌تن، دكتۆره‌ ئەمینە پسپۆڕی نەخۆشییەکانی منداڵان له‌و باره‌یه‌وه‌ ده‌ڵێت" هەوڵبدەن لە شوێنێکی گونجاو هەڵیبگرن و کەمترین بەرکەوتەی هەبێت لە گەڵ رووناکی یاخود پلەی گەرمیی بەرز، هەروەها ماوەی بەکارهێنانیان بە پێی جۆری دەرمان دەگۆڕێت."

ئه‌مانه‌ش ته‌مه‌نی مانه‌وه‌ی‌ چه‌ند جۆرێكی ده‌رمانه‌:

- ژیناو ''موغەزی'' کە بۆ تووشبووی سکچوون بەکاردێت تاکو  24 کاژێر دەتوانرێت بەکاربێت.

- زۆربەی شرووبە پاودەرەکانی دژەبەکتریاکان ''ئەنتیبایۆتیک'' بۆماوەی 5-7 رۆژ سەلامەتە بەکاربێن. 

- زۆربەی شرووبە گیراوەکان وەکو شرووبەکانی کۆکە، تا، پەسیو و .....' ماوەی 3 بۆ 4 هەفتە سەلامەتە و دەتوانرێت بەکاربێن

- شرووب و قەترەی ڤیتامینەکان تاوەکو سێ مانگ دوای هەڵپچڕانیان دەتوانرێت بەکاربێن.