‌فەرمی وچاوەڕواننەكراو.. مۆرینهۆ پۆستی راهێنەرایەتی یانەیەكی گەورەی وەرگرت




پێشمه‌رگه‌ سپۆرت -

بە شێوەیەكی فەرمی جۆرزێ مۆرینهۆی پورتوگالی و راهێنەری پێشووی یانەی مانچستەریونایتد پۆستی راهێنەرایەتی یانەی تۆتنهامی لەندەنی وەرگرت لە جێگەی ماوریسیۆ پۆچیتینۆی ئەرجەنتینی . 

شەوی رابردوو لە بەیاننامەیەكی فەرمیدا یانەی تۆتنهام بەهۆی ئەنجامە خراپەكانی ئەم وەرزەوە دەستبەرداری تواناكانی ماوریسۆ پۆچیتینۆی ئەرجەنتینی وراهێنەری یانەكەیان بوون . 

ئەمڕۆ بە فەرمی یانەی تۆتنهام لە پێگەی فەرمی خۆی ئاماژەی بەوەكرد كە گرێبەستیان لەگەڵ مۆرینهۆ واژووكردووە  بە گرێبەستێك تا ساڵی 2023 .

لە لێدوانێكیشدا دانێل لیفی سەرۆكی یانەكە وتی : مۆرینهۆ ئەزمونێكی گەورەی هەیە لە خولی ئینگلیزی وراهێنەرێكی گەورەیە .

مۆرینهۆ رۆژی شەممەی داهاتوو لە بەرامبەر یانەی وێستهام یەكەم یاری خۆی وەكو راهێنەری تۆتنهام ئەنجام دەدات .



PM:08:49:20/11/2019




ئه‌م بابه‌ته 1345 جار خوێنراوه‌ته‌وه‌‌