ڤیتامین B1 یەکێکە لەڤیتامینە لە ئاودا - تواوە گرنگە کان . ڕۆڵێکی گرنگی ھەیە لەکرداری مێتابۆلیزم زیندەچالاکی لەش لەبەرئەوە گرنگە بۆ کردار و گەشەکردنی خانەکان . ھەروەھا یارمەتی تیێکشکاندنی کانزا خۆراکیەکان دەکات بۆ وزە لە لەشدا بۆیە ڕێژەی کەمی دەبێتە ھۆی درووستبوونی کێشە لە دڵ و مێشکدا،دکتۆر صلاح پزیشكی نەشتەرگەری و مێشك و دەمار  له‌م بابه‌ته‌دا زانیاری ته‌واو له‌باره‌ی‌ ئه‌م ڤیتامینه‌ ده‌خاته‌ ڕوو.

کارەکانی ڤیتامین B1 لە لەشدا :

1- یارمەتی کرداری زیندەچالاکی دەدات و ڕۆڵی سەرەکی ھەیە لە سووتاندنی کاربۆھایداریتەکان

2- یارمەتی لەدروستبوون و پاراستنی کارەکانی دەمارەخانەکانە

3- سیستمی بەرگری لەش بەرزدەکاتەوە

4- یارمەتی تەندروستی کۆئەندامی سوڕان و دڵ دەدات

5- یارمەتی تەندروستی چاو دەکات

6- چارەسەری کێشەی کەمخۆراکی دەکات

 وەرگرتنی ڕێژەی ڤیتامین B1 ڕۆژانە

-لەتەمەنی لەدایک بوون بۆ ٦ مانگی ٠.٢ ملگم

-لەتەمەنی ٧-١٢ مانگ ٠.٣ ملگم

-لەتەمەنی ١ -٣ ساڵ ٠.٥ ملگم

-لەتەمەنی ٤-٨ ساڵ ٠.٦ ملگم

-لەتەمەنی ٩-١٣ ساڵ ٠.٩ ملگم

-لەتەمەنی ١٤ -١٨ ساڵ ١.٢ ملگم بۆ نێر وە ١ ملگم بۆ مێ وە بۆ ئافرەتی دووگیان و شیردەر ١.٤ ملگم

-لەتەمەنی ١٩-٥٠ ساڵ ١.٢ ملگم بۆ نێر ١.١ ملگم بۆ مێ بۆ ئافرەتی دووگیان یان شیردەر ١.٤ ملگم

-بۆ تەمەنی ٥١ ساڵ بەرەو سەر ١.٢ ملگم بۆ نێر ١.١ ملگم بۆ مێ

 سەرچاوەی ڤیتامین B1 :

ڤیتامین B1 بەشێوەیەکی کەم لە جگەردا خەزندەبێت بۆیە پێویستە ڕۆژانە بڕی پێویست وەربگرین:

خۆراک سەرچاوەی سەرەکی ڤیتامین B1:

-گۆشتی ئاژەڵ

-ماسی

-دانەوێڵە

-ماست

-ناوکە گڵۆبەڕۆژە

-بەراز

-پاقلەمەنی

-سپیناغ

-ھەروەھا ڤیتامین B1 ڕێژەی خۆی لەدەستدەدات بە گەرمی زۆر یان کوڵاندنی زۆر.

نیشانەکانی کەمی ڤیتامین B1:

-سەر ئێشە

-ھێڵنج و ڕشانەوە

-ماندووبوون

-خەمۆکی

-ناڕەحەتی لە سکدا

-لەدەستدانی ئارەزووی خواردن

-سڕبوونی قۆڵ و پێیەکان

-تەڵخبوونی چاو