پێشمه‌رگه سپۆرت - میران محه‌مه‌د
له دوای ئه‌و ئاسته به‌رزه‌ی له خولی بێچوه شێرانی یانه‌كانی عێراق پیشان یانداوه و توانیویانه ڕكابه‌ربن له یارییه‌كاندا ، به‌ڕێز حاكم مه‌حمود ئه‌حمه‌د مورادی جێگری سه‌رۆكی یانه‌ی وه‌رزشی پێشمه‌رگه له پاش یارییه‌كه‌یان له‌به‌رامبه‌ر بێچوه شێرانی یانه‌ی زاخۆ كه به سودی شێره پێشمه‌رگه‌كان به ئه‌نجامی 4 گۆڵی بێ وه‌لاَم كۆتایی هات ، ستایشی ده‌سته‌ی سه‌رپه‌رشتیار و ڕاهێنه‌رانی تیمه‌كه‌ی كرد كه توانیان له‌م وه‌رزه‌دا كه یه‌كه‌م جاریانه به‌شداری له ڕكابه‌رییه‌كی وا به‌هێز ده‌كه‌ن ئاستێكی به‌رز پیشان بده‌ن و ئه‌نجامی كاریگه‌ریان هه‌بێت .
هه‌روه‌ك به ناوی ده‌سته‌ی كارگێڕی یانه‌وه پاڵپشتی بۆ دوپات كردنه‌وه و هیوای خواست له یارییه‌كانی داهاتوویاندا سه‌ركه‌وتوبن و له‌سه‌ر ئه‌و ڕێچكه‌یه به‌رده‌وامبن .
دواجار حاكم مه‌حمود ئاماژه‌ی به‌وه‌شكرد كه یانه‌ی پێشمه‌رگه بۆته پێگه و قوتابخانه‌ی پێگه‌یاندنی چه‌ندین یاریزانی ئاست به‌رز و بۆ داهاتووش ئه‌م نه‌وه‌یه‌ی كه له ئێستادا له یارییه‌كانی خوله‌كه ده‌یان بینین ده‌توانین پشتیان پێببه‌ستین بۆ ئاسته‌كانی لاوان و پێشكه‌وتوان .