پێشمه‌رگه سپۆرت - میران محه‌مه‌د
له نێو هۆڵی سیتی سینه‌ما له شاری سلێمانی و به سه‌رپه‌رشتی یه‌كێتی شه‌تڕه‌نجی ئه‌و شاره قۆناغی یه‌كه‌می پاڵه‌وانێتی شه‌تڕه‌نجی سلێمانی به‌به‌شداری 74 كوڕ و كچه یاریزان ده‌ستی پێكرد .
سه‌باره‌ت به ئه‌نجام دانی ئه‌و پاڵه‌وانێتیه ئه‌سعه‌د ئیسماعیل سه‌رپه‌رشتیاری گشتی پاڵه‌وانێتیه‌كه بۆ پێشمه‌رگه سپۆرت ڕونكردنه‌وه‌ی زیاتری دا و ووتی ، ئه‌م پاڵه‌وانێتیه وه‌ك سالاَنی ڕابردوو به‌ڕێوه ده‌چێت و بۆ دوو مه‌به‌سته كه یه‌كه‌میان دوو یاریزانی ده‌گاته زۆنی كوردستان بۆ به‌شداریان له پاڵه‌وانێتی عێراق و دووه‌م یان 5 یاریزانی له‌م قۆناغه ده‌گه‌نه قۆناغی دووه‌می پاڵه‌وانێتیه‌كه و دواتر و له قۆناغی دووه‌مدا 10 یاریزان ڕكابه‌ری بۆ گه‌یشتن به ڕیزی هه‌ڵبژارده‌ی شاری سلێمانی ده‌كه‌ن كه تێیداو 5 یاریزان دیاری ده‌كرێت .
جێگه‌ی باسه پاڵه‌وانێتی شه‌تڕه‌نجی یاریزانانی سلێمانی ماوه‌ی حه‌وت ڕۆژ ده‌خایه‌نێت و له‌و ماوه‌یه‌دا یاریزانانی به‌شداری بۆ ململانێی گه‌یشتن به ئامانجه‌كانیان ڕكابه‌ری ده‌كه‌ن .