كاتای‌ تیمی‌ پێشمه‌رگه‌ سێهه‌م بوون


پێشمه‌رگه‌ سپۆرت - میران محه‌مه‌د

یارییه‌كانی‌ كاتای‌ كچانی‌ یانه‌ پاڵه‌وانه‌كانی‌ ولاَتانی‌ عه‌ره‌بی‌ له‌سه‌ر هه‌ردوو ئاستی‌ تاك و تیم كۆتایی‌ هات و له‌ دوایی‌ ڕكابه‌رییه‌كی‌ به‌هێزی‌ تیمی‌ یانه‌ پاڵه‌وانه‌كانی‌ ولاَتان ، دواجار له‌ دوای‌ ئه‌وه‌ی‌ كچانی‌ پێشمه‌رگه‌ له‌سه‌ر ئاستی‌ تاك سێهه‌میان به‌ده‌ست هێنا به‌ هه‌مان شێوه‌ و له‌سه‌ر ئاستی‌ تیم بڕۆنزیان له‌ ده‌ست نه‌دا .

سه‌باره‌ت به‌و ده‌ست كه‌وته‌یان ئه‌رسه‌لان مورادی‌ ڕاهێنه‌ری‌ گشتی‌ تیمی‌ كاراتێی‌ یانه‌ی‌ پێشمه‌رگه‌ بۆ پێشمه‌رگه‌ سپۆرت ووتی‌ ، بڕیار بوو به‌ پۆینت واته‌ خاڵ ڕیزبه‌ندی‌ بۆ تیمه‌كان هه‌ژمار بكرێت كه‌ به‌و شێوه‌یه‌ كچانی‌ پێشمه‌رگه‌ دووه‌م ده‌بوون به‌لاَم دوایی‌ ئه‌وه‌ی‌ گۆڕانكاری‌ كرا هه‌ردوو تیمی‌ ولاَتانی‌ سوریا و سعودیه‌ كه‌وتنه‌ كۆمه‌ڵه‌ی‌ یه‌كه‌م و له‌ كۆمه‌ڵه‌ی‌ دووه‌میش ئیمارات و عێراق له‌به‌رامبه‌ر یه‌كدی‌ یاریان كرد ئه‌وه‌ش ئه‌نجامی‌ ڕیزبه‌ندی‌ گۆڕی‌ و ئیمارات یه‌كه‌م بوو هه‌رچی‌ سوریایه‌ به‌ پله‌ی‌ دووه‌م هات و پله‌ی‌ سێهه‌میش بۆ كچانی‌ عێراق بوو كه‌ پێشمه‌رگه‌ی‌ پاڵه‌وان نوێنه‌رایه‌تی‌ ده‌كات .

ئه‌رسه‌لان ئاماژه‌ی‌ به‌وه‌شكرد كه‌ یانه‌كه‌یان به‌ ئاستێكی‌ به‌رزه‌وه‌ بینراون و له‌سه‌ر ئاستی‌ تاك و تیم توانیان پله‌كانی‌ سێهه‌م له‌ پاڵه‌وانێتی‌ عه‌ره‌بی‌ به‌ده‌ست بهێنن .

هه‌رچی‌ ئاماژه‌ی‌ به‌وه‌شكرد كه‌ یارییه‌كانی‌ كۆمێته‌ له‌ ڕۆژی‌ دووه‌می‌ پاڵه‌وانێتیه‌كه‌ به‌ڕێوه‌ ده‌چێت و كچانی‌ یانه‌كه‌مان ، یانه‌ی‌ پێشمه‌رگه‌ بۆ ئه‌و جه‌نگه‌ یه‌كلاكه‌ره‌وانه‌ ئاماده‌ن .

ڕیزبه‌ندی‌ كۆتایی‌ تیمی‌ به‌ خاڵ :

گروپی‌ یه‌كه‌م : 

سوریا 19،6 خاڵ

سعودیه‌ 18،4 خاڵ

گروپی‌ دووه‌م :

ئیمارات 20،5 خاڵ

عێراق 19،7 خاڵ


PM:10:08:09/02/2024




ئه‌م بابه‌ته 2504 جار خوێنراوه‌ته‌وه‌‌


زۆرترین خوێنراو‌
‌ ‌