پێشمه‌رگه سپۆرت - میران محه‌مه‌د
له درێژه‌ی یارییه‌كانی پاڵه‌وانێتی كاراتێی یانه پاڵه‌وانه‌كانی ولاَتانی عه‌ره‌بی ، له شاری شاریقه‌ی ولاَتی ئیمارات ڕكابه‌رییه‌كانی ئه‌و پاڵه‌وانێتیه به‌رده‌وامه‌و له یاری كاتا و له‌سه‌ر ئاستی تاك بۆ دیاری كردنی پله‌كانی سێهه‌م و چواره‌م ، كیژه یاریزان ئه‌وین ئامانج له یانه‌ی وه‌رزشی پێشمه‌رگه كه نوێنه‌رایه‌تی عێراق ده‌كه‌ن توانی پله‌ی سێهه‌م و میدالیایی بڕۆنز به‌ده‌ست بهێنێت .
سه‌باره‌ت به‌و ئه‌نجامه‌یان ئه‌رسه‌لان مورادی ڕاهێنه‌ری گشتی تیمی كاراتێی یانه‌ی پێشمه‌رگه به پێشمه‌رگه سپۆرتی ڕاگه‌یاند ، كه خۆش به‌ختانه له یه‌كه‌م ڕكابه‌ری توانیان بڕۆنز به‌ده‌ست بهێنن و ئه‌وه‌ش بۆ یانه‌كه‌مان و ولاَتی عێراق ئه‌نجامێكی به‌رچاو و ده‌ست كه‌وتێكی مێژووییه .
نابراو ووتیشی یارییه‌كانمان به‌رده‌وام ده‌بێت و هه‌وڵی ده‌ست كه‌وت و ئه‌نجامی كاریگه‌ر تر ده‌ده‌ین بۆ یانه‌ی پێشمه‌رگه كه نوێنه‌رایه‌تی ولاَتی عێراق له‌و پاڵه‌وانێتیه به‌هێزه‌دا ده‌كات .
جێگه‌ی باسه له هه‌مان ئاست ، ولاَتی ئیماراتی میواندار نازناوی پاڵه‌وانێتییه‌كه‌ی له‌سه‌ر ئاستی تاك برده‌وه و سوریا ش دووه‌م بوو .