له‌ قۆناغی‌ چوار گۆشه‌ی‌ زێڕین تازه‌پێگه‌یشتوانی‌ پێشمه‌رگه‌ میوانداری‌ له‌ ئه‌مانه‌ به‌غداد ده‌كات



پێشمه‌رگه‌ سپۆرت - میران محه‌مه‌د

یه‌كێتی‌ ناوه‌ندی‌ تۆپی‌ پێی‌ عێراق له‌ شاری‌ به‌غداد و به‌ ئاماده‌بوونی‌ نوێنه‌ری‌ یانه‌كانی‌ به‌شداری‌ خولی‌ پله‌ یه‌كی‌ تۆپی‌ پێی‌ تازه‌پێگه‌یشتوانی‌ یانه‌كانی‌ عێراق كۆبونه‌وه‌ی‌ هونه‌ری‌ و ئه‌نجام دانی‌ تیروپشكی‌ یارییه‌كانی‌ قۆناغی‌ چوار گۆشه‌ی‌ زێڕینی‌ ئه‌نجام دا .

له‌و كۆبونه‌وه‌یه‌دا كه‌ وسام محه‌مه‌د بازگ سه‌رپه‌رشتیاری‌ گشتی‌ تیپه‌كانی‌ تۆپی‌ پێی‌ یانه‌ی‌ پیێشمه‌رگه‌ ئاماده‌ی‌ بوو بڕیار درا كه‌ یارییه‌كانی‌ قۆناغی‌ چوار گۆشه‌ی‌ زێڕین به‌ شێوه‌ی‌ چوون و هاتن ئه‌نجام بدرێت و هه‌روه‌ك ئاماژه‌ به‌وه‌شدرا كه‌ یاری‌ كۆتایی‌ له‌ شاری‌ به‌غدادی‌ پایته‌ختی‌ عێراق ده‌بێت .

ئه‌مه‌و پاش ئاشكرا كردنی‌ یانه‌كانی‌ قۆناغی‌ چوار گۆشه‌ی‌ زێڕین كه‌ بریتین له‌ (پێشمەرگە ، مینا ، ئەمانە بەغداد، سەناعات کارەبایی ) تیروپشك ئه‌نجام دراو له‌ یه‌كه‌م یاری‌ تیپی‌ تۆپی‌ پێی‌ تازه‌پێگه‌یشتوانی‌ یانه‌ی‌ پێشمه‌رگه‌ له‌سه‌ر یاریگه‌ی‌ خۆیدا و له‌ ناوچه‌ی‌ فه‌رمانده‌یی‌ میوانداری‌ له‌ تازه‌پێگه‌یشتوانی‌ یانه‌ی‌ ئه‌مانه‌ به‌غداد ده‌كات كه‌ ئه‌و یارییه‌ له‌ كاتژمێر 3:30 خوله‌كی‌ پاش نیوه‌ڕۆی‌ ڕۆژی‌ 27 ی‌ ئه‌یلولی‌ 2023 به‌ڕێوه‌ بچێت .

دواجار یه‌كێتی‌ تۆپی‌ پێی‌ عێراق بڕیاری‌ دا كه‌ یانه‌كانی‌ خاوه‌ن پله‌ی‌ یه‌كه‌م دووه‌م ڕاسته‌وخۆ بگاته‌ ڕیزی‌ یانه‌ نایابه‌كانی‌ عێراق له‌ وه‌رزی‌ داهاتوودا .



PM:02:59:20/09/2023




ئه‌م بابه‌ته 1916 جار خوێنراوه‌ته‌وه‌‌


زۆرترین خوێنراو‌
‌ ‌