ئه‌نجامی‌ چوار یاری‌ له‌ خولی‌ نایابی‌ تۆپی‌ پێی‌ یانه‌كانی‌ كوردستان




پێشمه‌رگه‌ سپۆرت - 

یاریه‌كانی‌ خولی‌ نایابی‌ تۆپی‌ پێی‌ یانه‌كانی‌ كوردستان به‌رده‌وامی‌ هه‌یه‌و ئه‌مڕۆ پێنج شه‌ممه‌ 10 / 1 / 2018 یاریه‌كانی‌ هه‌فته‌ی‌ دوانزه‌یه‌می‌ قۆناغی‌ یه‌كه‌م ده‌ستی‌ پێكرد .

یانه‌ی‌ زاخۆ له‌ یاریگه‌ی‌ خۆیدا و له‌به‌رامبه‌ر یانه‌ی‌ زێره‌ڤانی‌ یاریه‌كه‌ی‌ به‌ یه‌كسان بوون و به‌ گۆڵێك بۆ هه‌ر لایه‌ك به‌ كۆتاهات و هه‌روه‌ك یانه‌ی‌ گازی‌ باكوریش به‌ 4 گۆڵی‌ بێ‌ وه‌لاَم له‌ یانه‌ی‌ دهۆكی‌ برده‌وه‌ .

ئه‌مه‌و نه‌ورۆزی‌ شاری‌ سلێمانی‌ له‌سه‌ر یاریگه‌ی‌ زانكۆ میوانداری‌ له‌ ده‌ربه‌ندیخان كردوو ئه‌و یاریه‌ش به‌ گۆڵێك بۆ هه‌رلایه‌كیان به‌ كۆتاهات .

دواجار هه‌ندرێن و پێشمه‌رگه‌ی‌ هه‌ولێریش له‌سه‌ر یاریگه‌ی‌ هه‌ندرێن ڕوبه‌ڕوی‌ یه‌كدی‌ بونه‌وه‌ و یاریه‌كه‌یان به‌ خاوێنی‌ و به‌ بێ‌ گۆڵ به‌ كۆتاهات .



PM:04:54:10/01/2019




ئه‌م بابه‌ته 360 جار خوێنراوه‌ته‌وه‌‌