تهندروستی -
هەركەسێك گەشبین بێت لەژیاندا ئەوا بەرهەمەكەی دەچنێتەوە ، چونكە گەشبینی كلیلی تەندروستیەكی باش و ژیانە.
بەپێی لێكۆڵینەوەیەكی نوێی ئەمریكی دەركەوتووە ئەو كەسانەی گەشبینن خاوەنی بۆچوونی ئەرێنین لەبارەی دوارۆژ و كەمتر تووشی نەخۆشیەكانی دڵ و دەمارەكان دەبنەوە.
لێكۆڵینەوەكە لەزانكۆی ئەلینۆی ئەمریكی ئەنجام دراوە و ئەنجامەكەی لە گۆڤاری (BMJ Open) ی زانستی بڵاوكراوەتەوە و زانایان لێكۆڵینەوەیان كردووە لەزانیاری 4900 كەس و هەڵسەنگاندنیان كردووە بۆ تەندروستی دڵ و دەمارەكان و فشاری خوێن و رێژەی شەكر و كۆلیسترۆل و چالاكی جەستە و بۆیان دەركەوتووە گەشبینی دەبێتە هۆی كەمبوونەوەی تووشبوون بەنەخۆشیەكانی دڵ و دەمارەكان.
پرۆفیسۆر رۆزالیا هێرناندیز سەرۆكی تیمی لێكۆڵینەوەكە ووتی: بۆیان دەركەوتووە هەرچەند رێژەی گەشبینی زیاتر بێت لای كەسانی پێگەیشتوو ئەوا مەترسی تووشبوونیان بەنەخۆشیەكانی دڵ و دەمارەكان كەمترە.
ئا: ڕاگەیاندنی تەندروستی سلێمانی