لە كۆتا ڕۆژەكانی مانگی ڕەمەزانداین ئەگەر تۆ یەكێكیت لەو كەسانەی بەڕۆژوو بون  دەزانیت دوای تەواو بوونی ئەم مانگە جەستەت چی بەسەر هاتووە ؟

پزیشكێكی میسری بەناوی "دكتۆر مەجدی بەدران " كە سەرۆكی كۆمەڵەی میسریە بۆ نەخۆشییە هەستیارەكان و بەرگری لەش ، لەڕێی ڕاپۆرتێكی پزیشكیەوە دەڵێت " دوای تەواو بوونی مانگی ڕٍەمەزان جەستە تۆڕێك لە ملولەی خوێنی نوێی بۆ زیاد دەبێت "

ئەم پزیشكە جەخت لەسەر ئەوە دەكاتەوە ڕۆژوو تێكڕای دەردانی هۆرمۆنی "گریلین" لە جەستەدا زیاد دەكات كە هۆكارە بۆ هەستكردن بە برسێتی و ئەمەش یارمەتیدەرە بۆ خاوێن كردنەوەی جەستە لە ژەهر و پێكهاتە زیان بەخشەكان و سووتاندنی چەوری زیاددەی لەش ، جگە لەوەش تێكلڕای دەردانی ڕژینەكانی پەریزاد "غوددە" زیاد دەكات و تێكڕای زیندە چالاكیەكانی جەستە خێراتر دەبێت .

ئەم هۆرمۆنە كار دەكاتە سەر دڵ و ملولەكانی خوێن لە ژەهر خاوێن دەكاتەوە و چڕی كالسیۆم لەناو خانەكاندا ڕێكدەخات و خانەكانی دڵ چالاك دەكاتەوە و لە مردن دەیپارێزێت و ئاستی پەستانی بەرزی خوێن دادەبەزێنێت و كاری سووڕی خوێن لە دەمارەكانی مێشكدا چالاك دەكات و خوێن بەر و خوێن هێنەرە گەورەكانی دڵ لە ڕەق بوون و بەستن دەپارێزێت .

ئێستا دوای ئەوەی سوودەكانی بەڕۆژوو بونت زانی دوای مانگی ڕمەزان باشتر وایە هەوڵبدەیت خۆراكی تەندروست بخۆیت بۆ ئەوەی جەستەت دووبارە پڕ نەبێتەوە لە پێكهاتەی زیان بەخش و مەترسیدار .