سەردێری هەواڵ
كوڕ و كچه‌ لاوه‌كانی‌ پێشمه‌رگه‌ ئاماده‌ی‌ پاڵه‌وانێتیه‌كه‌ی‌ كوردستانن ڤیدیۆ - بێ ئه‌وه‌ی‌ قاچیان به‌ر تۆپ كه‌وێت بوونه‌ خاوه‌نی‌ گۆڵ شه‌تڕه‌نج زانه‌ پاڵه‌وانه‌كانی‌ پێشمه‌رگه‌ میوانی‌ جێگری‌ سه‌رۆكی‌ یانه‌ بوون - جامی‌ یه‌كه‌می‌ پێشكه‌ش كرا پاڵه‌وانێتی‌ تیروكه‌وانی‌ یانه‌كانی‌ كوردستان له‌سه‌ر ئاستی‌ كچان و كوڕان به‌رێوه‌ده‌چێت ئه‌نه‌سی‌ پێشمه‌رگه‌ پله‌ی‌ دووه‌می‌ بۆ شاری‌ سلێمانی‌ به‌ده‌ست هێنا فه‌رمی‌.. فرانك ریبیری‌ گرێبه‌ستی‌ له‌گه‌ڵ یانه‌یه‌كی‌ چاوه‌ڕواننه‌كراو واژووكرد له‌سه‌ر ئاستی‌ تیمیش لاوانی‌ پێشمه‌رگه‌ یه‌كه‌می‌ عێراق بوون ئه‌نجامی‌ یارییه‌كه‌ی‌ تازه‌پێگه‌یشتوانی‌ پێشمه‌رگه‌ به‌ یه‌كسان بوون كۆتایی‌ هات ئه‌حمه‌د جه‌زایی‌ یاریزانی‌ یانه‌ی‌ پێشمه‌رگه‌ یه‌كه‌می‌ عێراق بوو كه‌مپه‌ ئاماده‌كارییه‌كه‌ی‌ هه‌ڵبژارده‌ی‌ تازه‌پێگه‌یشتوانی‌ عێراق به‌رده‌وامه‌

ڕاوێژ عه‌تای‌ گۆڵپارێزه‌كه‌ی‌ پێشمه‌رگه‌ بۆ پێشمه‌رگه‌ سپۆرت ده‌دوێت

ڕاوێژ عه‌تای‌ گۆڵپارێزه‌كه‌ی‌ پێشمه‌رگه‌ بۆ پێشمه‌رگه‌ سپۆرت ده‌دوێت


پێشمه‌رگه‌ سپۆرت - میران محه‌مه‌د
 
فوَتوَ : ئارام مولود - شالاَو عه‌بدول واحید

پێگه‌یاندنی‌ نه‌وه‌ی‌ نوێ‌ هه‌وڵ و ماندووبونێكی‌ زۆری‌ ده‌وێت و له‌گه‌ڵ بوونی‌ هه‌ر به‌ربه‌ستێك ده‌سته‌ی‌ سه‌رپه‌رشتیاران و ڕاهێنه‌رانی‌ فێرگه‌ی‌ تۆپی‌ پێی‌ یانه‌ی‌ پێشمه‌رگه‌ له‌ خۆبوردوانه‌ له‌ هه‌وڵ دا بوون بۆ دروست بوونی‌ چه‌ندین یاریزانی‌ ئاست به‌رز تا داهاتووی‌ تۆپی‌ پێی‌ یانه‌كه‌یان له‌سه‌ر‌ ئاسته‌ جیاوازه‌كان به‌هێز بكه‌ن .

له‌ پاڵه‌وانێتی‌ فێرگه‌كانی‌ شاری‌ سلێمانی‌ و ده‌وروبه‌ری‌ چه‌ندین یاریزانی‌ به‌ ئاست بیننران و بوونه‌ جێگه‌ی‌ سه‌رنجی‌ بینه‌رانی‌ یاریه‌كان و كه‌ناڵه‌كان و بوونه‌ مانشێت و سه‌ردێڕی‌ هه‌واڵه‌كان ، له‌و یاریزانه‌ نوێیانه‌ش ڕاوێژ عه‌تای‌ گۆڵ پارێزی‌ تیپی‌ بێچوه‌شێرانی‌ یانه‌ی‌ پێشمه‌رگه‌ی‌ سلێمانی‌ بوو كه‌ توانی‌ له‌ ماوه‌یه‌كی‌ كه‌م و له‌ كۆی‌ چوار یاری‌ كه‌ بۆ یانه‌كه‌ی‌ ئه‌نجامی‌ دا ببێته‌ یه‌كێك له‌ یاریزانه‌ دیاره‌كان و ببێته‌ به‌رچاوترین یاریزانی‌ پاڵه‌وانێتیه‌كه‌ كه‌ ئه‌و ئاسته‌شی‌ به‌ باشترین گۆڵ پارێزی‌ پاڵه‌وانێتیه‌كه‌ی‌ دیاری‌ كرد.

ڕاوێژ عه‌تا پاش ئه‌وه‌ی‌ توانی‌ له‌گه‌ڵ هاوڕێكانی‌ و له‌ تیپی‌ بێچوه‌ شێرانی‌ یانه‌ی‌ پێشمه‌رگه‌ پله‌ی‌ یه‌كه‌م له‌ پاڵه‌وانێتیه‌كه‌ به‌ده‌ست بهێنن له‌ ئاخاوتنێكی‌ تایبه‌ت به‌ پێشمه‌رگه‌ سپۆرت به‌م شێوه‌یه‌ باسی‌ ژیانی‌ وه‌رزشی‌ خۆی‌ و پێگه‌یاندنی‌ وه‌ك یاریزانێك له‌ یانه‌ی‌ پێشمه‌رگه‌ ده‌كات .

من ناوم ڕاوێژ عه‌تایه‌ و بۆ یه‌كه‌م جاره‌ به‌شداری‌ له‌ پاڵه‌وانێتیه‌كی‌ وا به‌هێز و پڕ بینه‌ر ده‌كه‌م كه‌ خۆش حاڵم وه‌ك گۆڵ پارێزێگ توانیم به‌رگی‌ پێشمه‌رگه‌ی‌ سلێمانی‌ بپۆشم و ببمه‌ باشترین گۆڵ پارێزی‌ پاڵه‌وانێتیه‌كه‌ .

ڕاوێژ ده‌شڵێت ده‌مه‌وێت سوپاسی‌ یانه‌كه‌م ، یانه‌ی‌ وه‌رزشی‌ پێشمه‌رگه‌ بكه‌م كه‌ پاڵپشتی‌ تییپه‌كه‌ی‌ ئێمه‌ن و هه‌روه‌ك سوپاسی‌ كابتن كه‌یوان ده‌كه‌م كه‌ وه‌ك ڕاهێنه‌رم زۆر ماندوو ده‌بێت له‌گه‌ڵم .

ئه‌و گۆڵ پارێزه‌ چرۆی‌ گوڵه‌ تازه‌ پشكووه‌ ده‌ڵێت كابتن ویسام كه‌ سه‌رپه‌رشتیاری‌ تیپی‌ تۆپی‌ پێی‌ یانه‌ی‌ پێشمه‌رگه‌یه‌ هاوكاری‌ ته‌وام ده‌كات و پاڵپشتمه‌ هه‌ربۆیه‌ له‌ ڕِێگه‌ی‌ سایته‌ ڕه‌نگینه‌كه‌ی‌ پێشمه‌رگه‌ سپۆرته‌وه‌ سوپاسی‌ ده‌كه‌م و به‌ هیوام هه‌رده‌م له‌گه‌ڵمان بێت .

دواجار ڕاوێژ عه‌تای‌ گۆڵ پارێز ده‌ڵێت خه‌ون به‌وه‌ وه‌ ده‌بینم وه‌ك یاریزانێك له‌ خولی‌ نایابی‌ كوردستان یاری‌ بكه‌م و بش گه‌مه‌ ڕیزی‌ هه‌ڵبژارده‌ی‌ كوردستان و زیاتر و زیاتریش خزمه‌ت به‌ یانه‌كه‌م ، یانه‌ی‌ پێشمه‌رگه‌ بكه‌م.

ویسام محه‌مه‌د بازك كه‌ سه‌رپه‌رشتیاری‌ تیپی‌ تۆپی‌ پێی‌ یانه‌ی‌ پێشمه‌رگه‌ ده‌كات و له‌م وه‌رزه‌ به‌ به‌رگێكی‌ نوێ‌ تیپه‌كانی‌ یانه‌كه‌یان به‌ دی‌ ده‌كرێن له‌سه‌ر ڕاوێژ ده‌ڵێت ، ڕاوێژ بۆ ئاینده‌ ده‌بێته‌ گۆڵ پارێزێكی‌ نمونه‌یی‌ و پاڵپشتی‌ ده‌بین تا بگاته‌ ئاستی‌ پێشكه‌وتوان و به‌رگری‌ له‌ تۆڕی‌ گۆڵی‌ تیپی‌ یه‌كه‌می‌ یانه‌كه‌مان بكات كه‌ ئه‌وه‌ش به‌رنامه‌یه‌كی‌ تایبه‌تی‌ خۆمانه‌ و ماوه‌ی‌ چوار ساڵمان بۆ كاركردن له‌سه‌ر ئه‌و یاریزانانه‌ داناوه‌ كه‌ له‌ فێرگه‌كه‌‌مان به‌ ئاستێكی‌ به‌رز به‌دی‌ ده‌كرێن .

دواجار ویسام سوپاسی‌ بنه‌ماڵه‌ی‌ ڕاوێژ ده‌كات كه‌ پاڵپشتی‌ ئه‌ون و هیواداریشه‌ سه‌رجه‌م دایكان و باوكان پاڵپشت و پشت گیری‌ منداڵه‌كانیان بكه‌ن تا نه‌وه‌ی‌ نوێ‌ له‌ سه‌رجه‌م یاریه‌ جۆراو جۆره‌كان دروست  بێت و بناغه‌ی‌ یاریه‌كان پته‌و بكه‌ین و وه‌رزش به‌ره‌و پێش ببه‌ین كه‌ به‌ وه‌رزش گه‌لان ده‌ناسێرێن .

ڕاویژ عه‌تا له‌ دایك بووی‌ ساڵی‌ 2001 كه‌و له‌ پاڵه‌وانێتی‌ فێرگه‌كانی‌ شاری‌ سلێمانی‌ و ده‌وروبه‌ری‌ به‌باشترین گۆڵ پارێز دیاری‌ كراو خه‌لاَتی‌ تایبه‌تی‌ پێبه‌خشرا .


PM:11:19:06/02/2017




ئه‌م بابه‌ته 1530 جار خوێنراوه‌ته‌وه‌‌


زۆرترین خوێنراو‌
‌ ‌