لیڤەرپوڵ نرخی‌ محەمەد سەڵاحی‌ دیاری‌ کرد



پێشمه‌رگه‌ سپۆرت - 

یانەی‌ لیڤەرپوڵی‌ ئینگلیزی‌ نرخی‌ محەمەد سەڵاحی‌ ئەسـێرەی یانەکەی‌ دیاری‌ دەکات و بە ئەگەرێکی‌ زۆر لە کۆتایی وەرزی‌ یاریزانە میسڕییە لیڤەرپوڵ جێدەهێڵێت. 

فابریزیۆ رۆمانۆ ڕۆژنامەنوسی‌ باوەڕپێکراو ئاشکرای‌ کردووە لیڤەرپوول نرخی سەڵاحی بە 150 ملیۆن پاوەند دیاریکرد و چارەنووسی یاریزانەکەش لە کۆتایی وەرز یەکلایی دەبێتەوە.

فابریزیۆ رۆمانۆ ئاشکرایکردووە ، لەدوای رووداوەکانی نیوان کلۆپ و سەڵاح بە تەواوی ناکۆکی لە نێوان راهێنەرەکە و یاریزانەکە بەدی دەکرێت، دەکرێت ئاسایی بێت بەهۆی ئەنجامەکانی لیڤەر بەڵام رەنگە یاریزانەکەش لە کۆتایی وەرز رێدز جێبهێڵێت.

دوپاتیشیکردەوە، سەڵاح ئۆفەرێکی زۆری لە یانە سعودییەکان پێگەیشتووە، ئەم وەرزەش رەفتاری پیشەگەرانەی پاراست بە مانەوە لە لیڤەرپوول، بەڵام لە کۆتایی ئەم وەرزەدا بارودۆخەکە جیاواز دەبێت، بەو پێیەی رێدز پلانی نوێی هەیە و یاریزانەکەش داهاتووی خۆی یەکلایی دەکاتەوە لە نێوان رۆشتن بۆ خولی سعودییە یاخود مانەوە.

لە لایەکی دیکەوە تۆڕی فوتباڵ ئینسایدەر بڵاویکردووەتەوە، رێدز ئامادەیە چاو لەو ئۆفەرانە بکات کە بۆ یاریزانە میسرییەکە هاتووە، نرخی یاریزانەکەشی لە نێوان 100 بۆ 150 ملیۆن پاوەند دیاری کردووە.



PM:07:35:29/04/2024




ئه‌م بابه‌ته 200 جار خوێنراوه‌ته‌وه‌‌