پێشمه‌رگه سپۆرت - میران محه‌مه‌د
لیژنه‌ی پێشبڕكێكان له یه‌كێتی ناوه‌ندی تۆپی پێی عێراق یارییه‌كانی خولی لاوان و تازه‌پێگه‌یشتوانی یانه‌كانی عێراق كۆمه‌ڵه‌ی باكور و كوردستان ی دواخست .
لیژنه‌ی ناوبراو له ئاگاداریه‌كدا و له په‌ڕه‌ی فه‌رمی خۆی له تۆڕی كۆمه‌لاَیه‌تی فه‌یسبوك بلاَوی كرده‌وه كه به‌هۆی ناجێگری كه‌ش و هه‌واوه یارییه‌كانی هه‌ردوو خولی لاوان و تازه‌پێگه‌یشتوانی یانه‌كانی عێراق بۆ ناوچه‌ی باكور و كوردستان دواده‌خرێت .
هه‌روه‌ك ئاماژه‌ی به‌وه‌داوه كه یارییه‌كانی جه‌وله‌ی سێهه‌می خولی تازه‌پێگه‌یشتوان و جه‌وله‌ی پێنجه‌می خولی لاوان له واده‌یه‌كی دیكه به‌ڕێوه‌ده‌چن .
جێگه‌ی باسه له جه‌وله‌ی سێهه‌می خولی تازه‌پێگه‌یشتوانی یانه‌كانی عێراق دا ، پێشمه‌رگه‌كان میوانداریان له یانه‌ی دهۆك ده‌كردوو هه‌روه‌ك له جه‌وله‌ی پێنجه‌می خولی لاواندا و له‌سه‌ر یاریگه‌ی فه‌رمانده‌یی ڕوبه‌ڕوی لاوانی یانه‌ی هه‌ولێر ده‌بونه‌وه .