سەردێری هەواڵ
كوڕ و كچه‌ لاوه‌كانی‌ پێشمه‌رگه‌ ئاماده‌ی‌ پاڵه‌وانێتیه‌كه‌ی‌ كوردستانن ڤیدیۆ - بێ ئه‌وه‌ی‌ قاچیان به‌ر تۆپ كه‌وێت بوونه‌ خاوه‌نی‌ گۆڵ شه‌تڕه‌نج زانه‌ پاڵه‌وانه‌كانی‌ پێشمه‌رگه‌ میوانی‌ جێگری‌ سه‌رۆكی‌ یانه‌ بوون - جامی‌ یه‌كه‌می‌ پێشكه‌ش كرا پاڵه‌وانێتی‌ تیروكه‌وانی‌ یانه‌كانی‌ كوردستان له‌سه‌ر ئاستی‌ كچان و كوڕان به‌رێوه‌ده‌چێت ئه‌نه‌سی‌ پێشمه‌رگه‌ پله‌ی‌ دووه‌می‌ بۆ شاری‌ سلێمانی‌ به‌ده‌ست هێنا فه‌رمی‌.. فرانك ریبیری‌ گرێبه‌ستی‌ له‌گه‌ڵ یانه‌یه‌كی‌ چاوه‌ڕواننه‌كراو واژووكرد له‌سه‌ر ئاستی‌ تیمیش لاوانی‌ پێشمه‌رگه‌ یه‌كه‌می‌ عێراق بوون ئه‌نجامی‌ یارییه‌كه‌ی‌ تازه‌پێگه‌یشتوانی‌ پێشمه‌رگه‌ به‌ یه‌كسان بوون كۆتایی‌ هات ئه‌حمه‌د جه‌زایی‌ یاریزانی‌ یانه‌ی‌ پێشمه‌رگه‌ یه‌كه‌می‌ عێراق بوو كه‌مپه‌ ئاماده‌كارییه‌كه‌ی‌ هه‌ڵبژارده‌ی‌ تازه‌پێگه‌یشتوانی‌ عێراق به‌رده‌وامه‌

نیشانه‌ و هۆكار و چۆنیه‌تی چاره‌سه‌ری نه‌خۆشی زه‌ردووی



 
ته‌ندروستی‌ -

زه‌ردوی بریتیە لە زەرد ھەڵگەڕانی سپێنە و ژێر پێڵوی چاو و پێست بەھۆی بەرز بوونەوەی ڕێژەی بلیڕۆبین لە خوێندا.

 لە ڕاستیدا زەردوویی نیشانەیە و دەرکەوتەی ژمارەیەک نەخۆشی زۆر و فرەجیاوازە، ڕێژەی ئاسایی بۆ کەسی پێگەشتوو کەمترە لە ١مگم\دسلتر، بەڵام لەسەرو ٣ مگم\ دسلتر لە سپێنەی چاو و دواتر لە ناوپۆشی دەم و ژێر زمان و سەر پێستی لەش بەدیار دەکەوێت و ھۆکار و چارەسەری زەردوویی لە گەورە ساڵان بەراورد بە تازە لە دایکبووان زۆر جیاوازە، له‌م بابه‌ته‌وه‌ دكتۆر هەرێم کریم احمد پسپۆری نەخۆشیەکانی هەناوی و دڵ و شەکرە باس له‌ نیشانه‌ و هۆكار و چۆنیه‌تی چاره‌سه‌ری ئه‌م نه‌خۆشییه‌ده‌كات.

 نیشانەکانی ئه‌م نه‌خۆشییه‌:
- تا و لەرز
- دروست بوونی ئازار له‌ ناوسكدا
- پەڵە و شین بوونەوەی پێست
- بێھێزی و شەکەتی
- تێر بوونی ڕەنگی میز 
- کاڵبوونەوەی ڕەنگی پیسایی
- قەبزی و باوبژی ناوسک
- ڕشانەوەو دڵ تێکھەڵاتن
- نەمانی حەزی خواردن
- کێش دابەزین
- کەمخوێنی
- تێکچوونی سوڕی خەوتن
- لە کاتی پەکەوتنی جگەردا ئاوسانی قاچ و کۆبوونەوەی ئاو لە سکدا.
- خورانی پێست


ھۆکارەکانی:

بەگشتی دەکرێت بە ٣ گروپەوە کە نەخۆشیەکانی جگەر و بۆریەکانی زراو و شیبوونەوەی خوێن دەگرێتەوە.
لە وانە:
-ھەوکردنی جگەر بەھەر ھۆکارێک بێت وەک ڤایرۆسی و تێکچوونی بەرگری لەش ھتد
-ھەوکردنی و گیرانی بۆریەکانی زراو یان بەردی تورەکەی زراو.
-شیبوونەوەی خوێن Hemolytic anemia
-کۆنیشانەی گلبەرت كە زەردوویەکی کەمە لەگەڵ ئاسایی بوونی ھەموو پشکنینەکانی تر Gilbert‌ syndrome
-ھەندێ جار تەنھا بەرزبوونەی ڕێژەی زەردوویی دەبێت لەکاتی پشکنینی فەرمانەکانی جگەر بەبێ دۆزینەوەی ھۆکارێکی دیاریکراو.
-زیادە بەکارھێنانی یاخود ژەھراوی بوون بە ھەندێ دەرمان وەک پاراسیتامۆڵ و پنیسلین و ستیڕۆید ھتد
-زیادەڕوی لە خواردنەوەی مەشروبات
-ھەندێ نەخۆشی بەکتریایی و مشەخۆرەکان
-شێرپەنجەی جگەر و پەنکریاس و بۆریەکانی زراو
-ھەندێ نەخۆشی دەگمەن وەک ویلسن و دۆبسن و کریگلەر و ھتد

 شیکاری پێویست بۆ ده‌ست نیشانكردنی نه‌خۆشیه‌كه‌: 
- پشکنینی خوێنی گشتی 
- شیکاری تەواوی فەرمانەکانی جگەر
- پشکنینی ڤایرۆسی جگەر
- پشکنینی پێویست بۆ نەخۆشیەکانی خوێن
- سۆنەری ناوسک 
- ھەندێك شیکاری و وێنەی تیشکی تایبەت
‏MRI & MRCP $ CT  بە گوێرەی نەخۆشی ھۆکاری زەردوویەکە.

چارەسەر چییه‌؟

بە گوێرەی ھۆکاری زەردوویەکە دەگۆڕێت بەڵام گرنگی دان بە پاکو خاوێنی و گۆڕینی شێوازی ژیان و خواردنی تەندروست بە جگەرو خۆ کوتان دژی ڤایرۆسی جگەر و وازھێنان لە مەشروب خواردنەوە و دوورکەوتنەوە لە قەڵەوی و کۆنتڕۆڵ کردنی چەوریەکانی خوێن و بەکارنەھێنانی زیادی دەرمان و دووربوون لە تاتۆکردن و بەکارھێنانی دەرمانی نایاسایی لە ھەنگاوە گرنگەکانی خۆپارێزیە.



PM:02:38:03/06/2019




ئه‌م بابه‌ته 1195 جار خوێنراوه‌ته‌وه‌‌