‌سووده‌كانی خواردنی ماست له‌ پارشێودا



 
ته‌ندروستی‌ - 

 ماست یه‌کێکه‌ له‌و خۆراکانه‌ی که‌ پزیشکه‌ پسپۆڕه‌کان کۆکن له‌ سه‌ر سووده‌ ته‌ندروستیه‌کانی ، به‌ یه‌کێک له‌ باشترین خوادنه‌کان داده‌نرێت له‌ مانگی ڕه‌مه‌زان به‌ تایبه‌ت له‌ ژه‌می پارشێودا، دکتۆر کامه‌ران رسوڵ ژاژڵه‌یی پسپۆڕی زانستی خۆراک و نه‌شته‌رگه‌ری گشتی گرنگترین سووده‌ ته‌ندروستیه‌كانی خواردنی ماست باس ده‌كات ئه‌گه‌ر له‌ پارشێودا بخورێت.

 گرنگترین سووده‌ ته‌ندروستیه‌کانی ماست :

1- سه‌رچاوه‌یه‌کی باشه‌ بۆ پڕۆتین، هه‌ستی برسیه‌تی که‌م ده‌کاته‌وه‌ له‌ کاتی به‌ڕۆژبوون دا .
2- بڕێکی باش له‌ ڤیتامینه‌کانی تێدایه‌ وه‌ک ڤیتامین ( B ) و ( D ) له‌گه‌ڵ کانزاکانی وه‌ک کالسێوم و پۆتاسێوم و مه‌گنسێوم .
3- ده‌وڵه‌مه‌نده‌ به‌ مادده‌ی پڕۆباتیکه‌کان، که‌ بریتی یه‌ به‌کتریا سوودبه‌خشه‌کان به‌ له‌ش که‌ کاری کۆئه‌ندمی هه‌رس ڕێک ده‌خات و پاش سک چوون یان وه‌رگرتنی ئه‌نتی باێوتیکه‌کان ژماره‌ی به‌کتریا سوودبه‌خشه‌کان که‌م ده‌کات و له‌ ناو ده‌چن.
4- بۆ خۆپاراستن له‌ نه‌رم بوونه‌وه‌ی ئێسک و کلۆربوونی ددان.
5- که‌مکردنه‌وه‌ی ئه‌گه‌ری تووشبوون به‌ شێرپه‌نجه‌ی قۆڵۆن.
6-  ماستی بێ چه‌وری یارمه‌تی دابه‌زینی کۆلیستڕۆڵی خراپ و فشاری خوێن ده‌دات. 
7-  ماستی بێ چه‌وری ڕێگری ده‌کات له‌ زیاد بوونی کێش و قه‌ڵه‌وی ورگ و یارمه‌تی دابه‌زینی کێش ده‌دات. 
8-  به‌هێز کردنی کۆئه‌ندامی به‌رگری له‌ش له‌گه‌ڵ ئاسانکردنی هه‌ڵمژینی هه‌ندێک ڤیتامین و کانزاکان له‌ ڕیخۆڵه‌دا .
9-  ماستی بێ چه‌وری خۆراکێکی باشه‌ بۆ ئه‌و که‌سانه‌ی هه‌ستیاریان به‌ شیر هه‌یه‌ یان ئه‌و که‌سانه‌ی ته‌هیجی کۆڵۆنیان هه‌یه‌.
10-  یه‌کێکه‌ له‌ باشترین خواردنه‌کان بۆ ئه‌و ئافره‌تی دووگیانی به‌ڕۆژوو به‌ مه‌رجێک ماسته‌که‌ له‌ شیری بێ چه‌وری یان که‌م چه‌وری بێت .
11-  یارمه‌تی ڕێک کردنه‌وه‌ی خه‌و ده‌دات .
12-  یارمه‌تی چاک بوونه‌وه‌ی قورحه‌ و هه‌وکردنی گه‌دده‌ و دوانزه‌گرێ ئه‌دات به‌ مه‌رجێک ماسته‌که‌ له‌ شیری بێ چه‌وری یان که‌م چه‌وری بێت .


PM:02:04:07/05/2019




ئه‌م بابه‌ته 1055 جار خوێنراوه‌ته‌وه‌‌