13 سوودی زانستی ڕۆژوو



 
ته‌ندروستی‌ - 

لەگەڵ ئەوەی بەرۆژووبوون ئەرکێکی ئاینیە و بەندەکان لە خودای گەورە نزیک دەکاتەوە، بەڵام لەگەڵ ئەوەش لە رووی زانستیەوە سەلمێندراوە کە بەرۆژووبوون سوودێکی زۆری ھەیە بۆ مرۆڤ لەوانەش .

1-  بەرۆژووبوون پشوو بە جەستە دەدات و ئەو ژەھرانەی لەناوی کەلەکە بووە دەری دەدات .

2- پرۆسەی ھەڵمژینی ئەو خۆراکانەی لەناو گەدە ماوەتەوە دەوستێت و ئەمەش رێگەی خۆشکەرە بۆ ئەوەی ئەو ژەھرەی لەناو گەدە ماوە دەربدرێت .

3- بەرۆژووبوون یارمەتی جەستە دەدات لە سەر بونیات نانەوە خانەکان و کاری خانەکان چالاک دەکات و جەستە لە ژەھر پاک دەکاتەوە و کای خوێن باشتر دەکات، لەبەر ئەمە پزیشکان ئامۆژگاری نەخۆشەکان دەکەن لەسەر برسیەتی پشکنینە پزیشکیەکان ئەنجام بدەن .

4- بەرۆژووبوون خانەکانی لەش نوێ دەکاتەوە و زیاتر چاbکیان دەکاتەوە .

5- پارێزگاری لە ووزەی جەستەی دەکات و کار دەکات لەسەر دابەش کردنی بە پێی پێویستی بەشەکان .

6- بەرۆژووبون کاری ھەرس کردن ئاسان دەکات و جەستە رێک دەخاتەوە لەرووی زۆر خۆری .

7- یارمەتی کرانەوەی بیرو ھزری مرۆڤ دەدات.

8- بەرۆژووبوون پێستی مرۆڤ نوێ دەکاتەوە و زیاتر گەشەی پێدەدات .

9- بەرۆژووبوون یارمەتیدەرە بۆ چارەسەری کۆمەڵێک نەخۆشی .

10- یارمەتی مرۆڤ دەدات لە کەمکردنەوەی رێژەی چەوری لە جەستە و خوێن .

11 بەرۆژووبوون رێگە دەگرێت لە گرژبوونی خوێنبەرەکان و مرۆڤ دەپارێزێت لەو نەخۆشیانەی تووشی دڵ دەبن .

12- بەرۆژووبوون یارمەتی ئەو کەسانە دەدات کە نەخۆشی شەکرەیان ھەیە، چونکە پشوو بە پەنکریاس دەدات و له‌به‌ر ئه‌وه‌ی‌ پەنکریاس مادەی ئەنسۆلین بەرھەم دەھێنێت و شەکر دەکاتە مادەی نیشاستەیی و چەوری و لەخانەکان ھەڵیدەگرێت، ئەگەر ھاتوو رێژەی خواردنەکە لە رێژەی ئەنسۆلینەکە زیاتر بوو ئەوا پەنکریاس تووشی ماندووبوون دەبێت و رێژەی شەکر لە جەستە بەرز دەبێتەوە .

13- بەرۆژووبوون پارێزگاری لە جەستە دەکات و لەقەڵەوی دەیپارێزێت . 



PM:02:22:06/05/2019




ئه‌م بابه‌ته 797 جار خوێنراوه‌ته‌وه‌‌