پێشمه‌رگه سپۆرت - میران محه‌مه‌د
به‌مه‌به‌ستی پاڵپشتی بۆ سه‌ركه‌وتنی هه‌ڵبژاردنه‌كان ، یه‌كێتی باسكه‌ی سلێمانی پاڵه‌وانێتیه‌كی باسكه‌ی كوڕان به‌به‌شداری چوار تیم ڕێك ده‌كات .
سه‌باره‌ت به‌و پرسه پێشمه‌رگه سپۆرت په‌یوه‌ندی به بیلال مه‌ولود ئه‌ندام له یه‌كێتی ناوه‌ندی باسكه‌ی عێراق كردوو ئه‌و له وه‌لاَمدا ووتی ، یه‌كێتی باسكه‌ی سلێمانی له ژێر چاودێری نوێنه‌رایه‌تی لیژنه‌ی ئۆڵۆمپی پاڵه‌وانێتیه‌كی باسكه به‌به‌شداری چوار تیم كه بریتین له ( تازه‌پێگه‌یشتوانی پێشمه‌رگه ، هه‌ڵه‌بجه ، شێروانه و زانكۆ ) ئه‌نجام ده‌دات .
هه‌روه‌ك ناوبراو ئاماژه‌ی پێكرد كه یارییه‌كانی له ڕۆژانی پێنج شه‌ممه و شه‌ممه‌ی داهاتوو ڕێكه‌وتی 19 و 21 ی ئه‌یلولی 2024 له نێو هۆڵی یانه‌ی پێشمه‌رگه به‌ڕێوه‌ده‌چن و له كۆتایش خه‌لاَت به‌سه‌ر به‌شدارانی ئه‌و پاڵه‌وانێتیه دابه‌ش ده‌كرێت .
بیلال مه‌ولود كه سه‌رپه‌رشتیاری پاڵه‌وانێتیه‌كه ده‌كات ووتی ، لیستی 129 ی یه‌كێتی نیشتیمانی كوردستان ئه‌و پاڵه‌وانێتیه سپۆنسه‌ر ده‌كات و له كۆتایشدا خه‌لاَتی تایبه‌تیان بۆ به‌شداران ئاماده كردووه كه له مه‌راسیمێكی قه‌شه‌نگدا و به ئاماده‌بوونی میوانان دابه‌ش ده‌كرێن .
له كۆتایشدا ئه‌ندامه‌كه‌ی یه‌كێتی باسكه‌ی عێراق خشته‌ی یارییه‌كانی ئاشكرا كرد كه به‌م شێوه‌یه ده‌بێت .
ڕۆی پێنج شه‌ممه به‌رواری 19 ی 9 ی 2024
كاتژمێر 3:30 خوله‌كی ئێواره / زانكۆی سلێمانی × شێروانه
كاتژمێر 5:00 ئێواره / تازه پێگه‌یشتونی پێشمه‌رگه × هه‌ڵه‌بجه
جێگه‌ی باسكه براوه‌ی یارییه‌كانی یه‌كه‌م ڕۆژ و ده‌ست پێكی پاڵه‌وانێتیه‌كه ڕاسته‌وخۆ ده‌گه‌نه كۆتای و تیمه‌كانی دۆڕاویش بۆ پله‌كانی سێهه‌م و چواره‌م یاری ده‌كه‌ن و هه‌روه‌ك له مه‌راسیمی كۆتایی پاڵه‌وانێتیه‌كه‌دا تیمی باسكه‌ی دێرینه‌كانی شاری سلێمانی یارییه‌كی دۆستانه‌ی 3 × 3 ئه‌نجام ده‌ده‌ن .