پێشمه‌رگه سپۆرت - میران محه‌مه‌د
شاری سلێمانی و هۆڵی كۆلێژی په‌روه‌رده‌ی وه‌رزشی زانكۆی سلێمانی میوانداری له یارییه‌كانی خولی نایابی باله‌ی كچانی یانه‌كانی عێراق ده‌كات .
بۆ ئه‌و مه‌به‌سته و ئێواره‌ی ڕۆژی شه‌ممه به‌رواری 14 ی ئه‌یلولی 2024 و به ئاماده‌بوونی ئه‌ندامانی یه‌كێتی ناوه‌ندی باله‌ی عێراق و نوێنه‌ری یانه‌كانی ( ئافرۆده‌یت ، ته‌ق ته‌ق ، به‌صره ، ئه‌مانه به‌غداد ، ده‌ربه‌ندیخان ، ئه‌كاد عه‌نكاوه ، قه‌ره‌قوش ، شۆڕیجه ، سیروان هه‌ڵه‌بجه و غاز شیمال ) و له نێو هۆڵی هۆتێل ئه‌ربیل كۆبونه‌وه‌ی هونه‌ری خوله‌كه ئه‌نجام دراو تێیداو بڕیار درا كه یانه‌كان دابه‌شی سه‌ر دوو كۆمه‌ڵه‌ی پێنج تیمی بكرێت كه له كۆمه‌ڵه‌ی یه‌كه‌م یانه‌كانی ( ئافرۆده‌یت ، ته‌ق ته‌ق ، به‌صره ، ئه‌مانه به‌غداد ، ده‌ربه‌ندیخان ) یاری ده‌كه‌ن و له كۆمه‌ڵه‌ی دووه‌میشدا یانه‌كانی ( ئه‌كاد عه‌نكاوه ، قه‌ره‌قوش ، شۆڕیجه ، سیروان هه‌ڵه‌بجه و غاز شیمال ) ڕوبه‌ڕوی یه‌ك ده‌بنه‌وه .
هه‌روه‌ك دوای ئه‌نجام دانی تیروپشكی یارییه‌كان خشته‌ی یارییه‌كانی یه‌كه‌م ڕۆژ به‌م شێوه‌یه ده‌بێت .
ته‌ق ته‌ق × ده‌ربه‌ندیخان - كاتژمێر 11:00 ی سه‌ر له به‌یانی
به‌صره × ئه‌مانه به‌غداد - كاتژمێر 1:00 ی پاش نیوه‌ڕۆ
قه‌ره‌قوش × غاز شیمال - كاتژمێر 3:00 ی پاش نیوه‌ڕۆ
شۆڕیجه × سیروان هه‌ڵه‌بجه - كاتژمێر 5:00 ی ئێواره