پێشمهرگه سپۆرت - میران محهمهد
له یاری گهڕانهوهی قۆناغی چوار گۆشهی زێڕینی خولی لاوانی یانهكانی كوردستان ، تیپی تۆپی پێی لاوانی یانهی وهرزشی پێشمهرگه له دهرهوهی یاریگهی خۆیدا و لهسهر یاریگهی یانهی ههندرێن ، له شاری ههولێر بوونه میوانی لاوانی ئهو یانهیه .
یارییهكه له كاتژمێر 4:00 ی ئێوارهی ڕۆژی چوار شهممه 6 ی ئهیلولی 2023 دهستیپێكردوو لهگهڵ دهستپێك لاوانی ههردوو تیم به بههێزی بینران و ههوڵی تۆماركردنی گۆڵی یهكهم و پێشكهوتنیان دهدا تا له خولهكی 30 و له ڕێگهی یاریزان خۆژی شكور لاوانی پێشمهرگه توانیان گۆڵی یهكهم و پێشكهوتن تۆمار بكهن ، ئهمهو دوایی ئهو گۆڵه یاری به یهك ئاست بینرا و گێمی یهكهم به گۆڵێك له بهرژهوهندی پێشمهرگهكان كۆتای هات .
گێمی دووهم جیاواز بوو بۆ ههردوو تیم و له خولهكی 77 یاریزانانی ههندرێن لێدانێكی سزایان بۆ ههمار كراو مستهفا قابیلی یاریزانی ههندرێن لێدانهكهی جێبهجێ كردوو گۆڵپارێزی پۆلاَینی لاوانی پێشمهرگه ئهحسهن سهعید توانی تۆپه بههێزهكه بگێڕیتهوه و ئهو ههلهی ههندرێنی پوچهڵ كردهوه ، ئهمهو له درێژهی هێرشهكانیان و به لێدانێكی ڕاستهوخۆ و له خولهكی 86 یانهی ههندرێن توانی گۆڵی یهكسان كردنهوه تۆمار بكات و كاتی یاسایی به گۆڵێك بۆ ههردوو تیم كۆتایی هات .
بۆ یهكلاكردنهوهی ئهنجامی كۆتایی ناوبژیوان پهنای برده بهر لێدانی یهكلاكهرهوه و پێشمهرگهكان توانیان به ئهنجامی 1-3 گۆڵ بردنهوهیهكی به نرخ بهدهست بهێنن و بۆ دووهم وهرزی لهسهر یهك گهیشتنیان به یاری كۆتایی خولی لاوانی كوردستان مسۆگهر كرد .
ههر له یارییهكانی قۆناغی چوار گۆشهی زێڕین ، لاوانی سیروانی نوێ به بردنهوهی له شۆڕیجه به ههمان شێوه گهیشته یاری كۆتایی و بڕیاره یاری كۆتایی له نێوان لاوانی پێشمهرگه و سیروانی نوێ له شاری سلێمانی بهڕێوه بچێت.