پێشمهرگه سپۆرت - میران محهمهد
بهمهبهستی ئامادهكاری بۆ بهشداری له پاڵهوانێتی بالهی ولاَتانی عهرهب ، ههڵبژاردهی بالهی كوڕانی عێراق یهكهم كهمپی مهشقی ئامادهكاری له هۆڵی داخراوی یانهی وهرزشی دهربهندیخان دهست پێكرد .
تیمهكهی ههڵبژاردهی عێراق له 21 یاریزان پێك دێن و خالد صاڵح ڕاهێنهرایهتیان دهكات و بۆ ئهو مهبهستهش بڕیاره كهمپه ئامادهكارییهكه تا سهرهتایی مانگی حوزهیران بخایهنێت و دواتر و ههڵبژاردهكه درێژه به ئامادهكاری خۆی دهدات و ڕوو دهكاته ولاَتی ئێران بۆ ئهنجام دانی دووهم كهمپی ئامادهكاری كه بڕیاره له بهرواری 5 ی حوزهیران دهست به یهكه مهشقییهكانی بكات و چهند یارییهكی دۆستانهش ئهنجام بدات .
ئهمهو ئهو ههڵبژاردهكه دوای دیاری كردنی پێكهاتهی سهرهكی ڕوو دهكاته ولاَتی جهزائر بۆ بهشداری له كێبڕكێكانی پاڵهوانێتی بالهی عهرهبی و یارییهكانی له مانگی تهمووزی 2023 دهست پێدهكات .