خولی‌ پله‌ یه‌كی‌ تۆپی‌ پێی‌ یانه‌كانی‌ عێراق ده‌ست پێده‌كاته‌وه‌ و بڕیاره‌ له‌ ڕۆژانی‌ 30 و 31 ی‌ ئازاری‌ 2023 یارییه‌كانی‌ جه‌وله‌ی‌ 17 ی‌ خوله‌كه‌ به‌ڕێوه‌ بچێت و تێیداو له‌ یه‌كه‌م ڕۆژی‌ یارییه‌كانی‌ پێشمه‌رگه‌ میوانداری‌ له‌ یانه‌ی‌ حه‌ویجه‌ ده‌كات .

ئه‌و یارییه‌ له‌ كاتژمێر 3:00 ی‌ پاش نیوه‌ڕۆی‌ ڕۆژی‌ پێنج شه‌ممه‌ 30 ی‌ ئازار و له‌سه‌ر یاریگه‌ی‌ فه‌رمانده‌یی‌ تایبه‌ت به‌ یانه‌ی‌ وه‌رزشی‌ پێشمه‌رگه‌ به‌ڕێوه‌ ده‌چێت و هه‌روه‌ك بۆ ئه‌و یاریه‌یان پێشمه‌رگه‌كانی‌ سلێمانی‌ ئاماده‌كاری‌ ته‌واویان هه‌یه‌و ده‌یانه‌وێت بچنه‌وه‌ سه‌ر ڕێچكه‌ی‌ سه‌ركه‌وتنه‌ به‌رده‌وامه‌كان و سێ‌ خاڵی‌ یارییه‌كه‌ ده‌سته‌به‌ر بكه‌ن .