ئه‌كادیمیایی‌ كاراتێی‌ شڤانی‌ پاڵه‌وان چه‌ندان یریزانی‌ بۆ یانه‌ی‌ پێشمه‌رگه‌ پێگه‌یاندووه‌


پێشمه‌رگه‌ سپۆرت - میران محه‌مه‌د

به‌مه‌به‌ستی‌ بره‌و دان و به‌ره‌و پێشچوونی‌ ئاستی‌ یارییه‌كه‌ ، یاریزانێكی‌ پاڵه‌وانی‌ یانه‌ی‌ پێشمه‌رگه‌ فێرگه‌یه‌كی‌ به‌ ناوی‌ خۆی‌ دامه‌زراندووه‌ .

ئه‌كادیمیایی‌ كاراتێی‌ شڤان عوسمان ماوه‌ی‌ دوو وه‌رزه‌ به‌رده‌وام له‌ مه‌شق و ئاماده‌كاری‌ دایه‌ و سه‌دان فێرخوازی‌ له‌ خۆگرتووه‌ ، هه‌روه‌ك مه‌به‌ست له‌ دروست بوونی‌ ئه‌م فێرگه‌یه‌ به‌هێزتر بوونی‌ یاری‌ كاراتێیه‌ له‌ شاری‌ سلێمانی‌ و شڤان عوسمانی‌ خاوه‌ن بیرۆكه‌كه‌ش بۆ پێشمه‌رگه‌ سپۆرت ووتی‌ ، به‌ ده‌یان ڕاهێنه‌ری‌ لاو  له‌و فێرگه‌یه‌ خزمه‌تی‌ كردووه‌ و تا ئێستا به‌ ده‌یان یاریزانمان گه‌یاندۆته‌ ئاسته‌كانی‌ دیكه‌ی‌ یارییه‌كه‌ ، هه‌روه‌ك ووتی‌ ئه‌م ساڵ ڤیستیڤاڵێكمان ئه‌نجام دا كه‌ به‌ ئاماده‌بوونی‌ دایك و باوكانی‌ مندالاَن بوو كه‌ ڤیستیڤاڵه‌كه‌ش له‌سه‌ر شانۆی‌ ڕۆمانی‌ له‌ نێو هه‌واری‌ شار له‌ شاری‌ سلێمانی‌ بوو .

شڤان عوسمان كه‌ كابتنی‌ تیپی‌ كاراتێی‌ یانه‌ی‌ پێشمه‌رگه‌ و كابتنی‌ هه‌ڵبژارده‌ی‌ عێراقه‌ هیوا و ئاواتی‌ ئه‌وه‌یه‌ یاری‌ كاراتێ‌ هه‌میشه‌ له‌به‌ره‌و پێشچوون بێت و ئاستی‌ یاریزانان بگه‌یه‌نه‌ لوتكه‌ و پشتێنه‌ ڕه‌شه‌كان به‌ده‌ست بهێنن .

شڤان وتیشی‌ ده‌مه‌وێت سوپاسی‌ ئه‌و ڕاهێنه‌رانه‌ بكه‌م كه‌ له‌ فێرگه‌كه‌مان خزمه‌تی‌ به‌رچاویان به‌ مندالاَن كردووه‌ و به‌شداری‌ ئه‌وانی‌ بۆ به‌ره‌و پێشچوونی‌ فێرگه‌كه‌یان گه‌ڕانده‌وه‌ .


PM:11:52:30/07/2022




ئه‌م بابه‌ته 3596 جار خوێنراوه‌ته‌وه‌‌


زۆرترین خوێنراو‌
‌ ‌