‌تایبه‌ت به‌ توشبووانی شه‌كره‌.. چوار جۆر به‌هارات بۆ خۆراكه‌كانتان زیاد بكه‌ن




ته‌ندروستی‌ - 

ئه‌گه‌ر تۆ یه‌كێكیت له‌ توشبوان به‌ نه‌خۆشی شه‌كره‌ ئه‌وه‌ باشتر وایه‌ پێداچوونه‌وه‌ به‌ سیستمی خۆراكیتدا بكه‌یت، له‌گه‌ڵیدا چوار جۆری به‌هارات زیاد بكه‌یت.

پێگه‌ی‌" میدیكال نیوز توده‌ی‌" پزیشكی بابه‌تێكی تایبه‌تی بڵاوكردۆته‌وه‌ و تیایدا هاتووه‌" جگه‌ له‌ وه‌رگرتنی چاره‌سه‌ر سیستمی ژیانكردن و خۆراكی ته‌ندروست و به‌كارهێنانی ته‌واوكه‌ری خۆراكی و به‌هاراته‌كان یارمه‌تی توشبووانی شه‌كره‌ ده‌دات بۆ ئه‌وه‌ی‌ ته‌ندروست بژین" 

ئه‌گه‌ر چی ئه‌م به‌هاراتانه‌ وه‌ك چاره‌سه‌ر به‌كار نایه‌ن، به‌ڵام كه‌سی نه‌خۆش ده‌توانێت له‌گه‌ڵ چاره‌سه‌ره‌كه‌یدا سوودیان لێ وه‌ربگرێت.

دارچینی:
یه‌كێك له‌و به‌هاراتانه‌ی‌ ئاستی شه‌كری خوێن داده‌به‌زێنێت دارچینیه‌، ئاستی هه‌ستیاری ئه‌نسۆلین ڕێكده‌خات و هه‌رس چالاك ده‌كات، ده‌توانیت پروشێك له‌م به‌هاراته‌ بكه‌یت به‌ ژه‌مه‌كه‌ته‌وه‌.

- زه‌نجه‌بیل: 
بۆ ڕێكخستنی ئاستی هاوسه‌نگی شه‌كری خوێن كاریگه‌ری باشی هه‌یه‌، به‌ڵام ئه‌م جۆره‌یان پێش به‌كارهێنانی پێویسته‌ له‌باره‌یه‌وه‌ پرسیار له‌ پزیشكه‌كه‌ت بكه‌یت.

-شمڵی:
یه‌كێكی دیكه‌ له‌ به‌هاراته‌ به‌سووده‌كان بۆ جه‌سته‌" شمڵیه‌" ڕێگری ده‌كات له‌ به‌رز بوونه‌وه‌ی‌ ئاستی شه‌كری خوێن، له‌ڕێی زیادبوونی ده‌ردانی ئاستی ئه‌نسۆلین.

-جیمنیما:
ئه‌م جۆره‌ گیایه‌ پێی ده‌وترێت" تێكشكێنه‌ری شه‌كر" به‌ نزیكه‌ی‌ هاوشێوه‌ی‌ شمڵی كارده‌كات، هانی په‌نكریاس ده‌دات بۆ ئه‌وه‌ی‌ بڕێكی زۆر ئه‌نسۆلین به‌رهه‌م بهێنێت.



PM:08:18:23/04/2022




ئه‌م بابه‌ته 652 جار خوێنراوه‌ته‌وه‌‌