یه‌كێتی‌ تۆپی‌ پێی‌ كوردستان واده‌ی‌ گواستنه‌وه‌ی‌ زستانه‌ی‌ ڕاگه‌یاند



 
 
پێشمه‌رگه‌ سپۆرت - میران محه‌مه‌د

یه‌كێتی‌ ناوه‌ندی‌ تۆپی‌ پێی‌ كوردستان واده‌ی‌ كردنه‌وه‌ی‌ ده‌رگای‌ گواستنه‌وه‌ی‌ یاریزانانی‌ له‌ خولی‌ زستانه‌ ڕاگه‌یاند .

یه‌كێتییه‌كه‌ له‌ په‌ڕه‌ی‌ فه‌رمی‌ خۆی‌ له‌ تۆڕی‌ كۆمه‌لاَیه‌تی‌ فه‌یس بووك بلاَوی‌ كرده‌وه‌ كه‌ له‌ به‌رواری‌ 1 مانگی‌ 1 / 2022 واده‌ی‌ گواستنه‌وه‌ی‌ زستانه‌ ده‌ست پێده‌كات ، هه‌روه‌ك ئاماژه‌ی‌ پێدراوه‌ كه‌ یاریزانان ئازادن و ده‌توانن له‌ خولی‌ پله‌ دووه‌كان یاری‌ بكه‌ن و هه‌ر یاریزانێك مافی‌ ده‌ست به‌رداربوونی‌ هه‌یه‌ ده‌توانن له‌و خوله‌دا به‌شداربن .

ئاماژه‌ به‌وه‌شدراوه‌ كه‌ گواستنه‌وه‌كه‌ له‌ نێوان خولی‌ پله‌ نایاب و پله‌ یه‌ك له‌ نێوان هه‌ردوو قۆناغ ده‌بێت و ده‌رگای‌ گواستنه‌وه‌كه‌ش له‌ پاش ده‌ست پێكردنه‌وه‌ی‌ خوله‌كان داده‌خرێت .


PM:10:56:29/12/2021




ئه‌م بابه‌ته 1612 جار خوێنراوه‌ته‌وه‌‌