دڵه‌كوتێ واتا ھەست کردن بە لێدانەکانی دڵ یاخود دەرچوونی چەند لێدانێک لە ریتمی ئاسایی خۆی، ھەندێ جار لە مل و گەروو و سەر گەدە ھەستی پێ دەکرێت، دكتۆر هه‌رێم پزیشكی نه‌خۆشییه‌كانی هه‌ناوی زانیاری زیاتر له‌م بابه‌ته‌دا ده‌خاته‌ ڕوو و هۆكاره‌كانی ئه‌م گرفته‌ ته‌ندروستییه‌ ڕوون ده‌كاته‌وه‌.

گرنگه‌ ئه‌وه‌ش بزانن لێدانی دڵ بۆ کەسی پێگەشتوو لە نێوان ٦٠ بۆ ٩٠ جارە لە خولەکێکدا .

 ھۆکارەکانی بەسەر فەسلەجی و نەخۆشیدا دابەش دەبێت

ھۆکارەکانی :

1- کردنی ئیشێکی قورس یان وەرزشێکی زۆر .

2- خواردنەوەی زۆری کافاین

3- فشاری دەروونی و قەلەقی

4- مادەی نیکۆتنی ناو جگەرە

5- گۆڕانی ھۆرمۆنی وەک لە ماوەی دوو گیانیدا

6- کەمخوێنی یان کەمی ئاسن

7- تا یاخود لەرز و تا بەھەر ھۆکارێک بێت

8- بەکارھێنانی دەرمانی ڕەبوە و تەنگەنەفەسی و سایرۆکسینی زیاد و ھەندێ چارەسەری بەرزە پەستانی خوێن .

9- تێکچوونی کارەبایی دڵ

10- نەخۆشیەکانی زمانە (صمام) ی دڵ

11- بەکارھێنانی دەرمانی نایاسایی وەک کۆکاین و ئەمفیتامین و ئەلکھول

13- دابەزینی پەستانی خوێن و سست بوونی دڵ .

14- غودەی چالاک (پەریزادە ).

کەی پێوست بە ڕاوێژی پزیشک دەکات ؟

ئەگەر دڵە کوتێ کە زۆر درێژەی کێشاو کەسەکەی بێزار کرد یاخود یەکێک لەم نیشانانەی لەگەڵدا بوو :

1- ئازاری سەر سنگی لەگەڵ بێت

2- بەرچاو ڕەش بوون و سەرگێژ خواردن

3- بوورانەوەو لە ھۆش خۆ چوون

4- تەنگەنەفەسی و پشوو سواری

5- ئاڕەق کردنەوەی لە ڕادەبەدەر

6- بەردەوام لێدانی دڵ لەسەرو ١٠٠ بێت لە خولەکێکدا لەکاتی ئیستراحەتدا.

پشکنینی پێویست :

1- شیکاری خوێن بۆ دڵنیابوون لە کەمخوێنی و غودەی چالاک

2- ھێلکاری دڵ

3- ھێڵکاری ٢٤ کاتژمێری

4- ئیکۆی دڵ

5- ھەندێ جار وێنەی تیشکی ئێکسی سنگ و پشکنینی میز .

 چارەسەر :

1- دیاری کردنی ھۆکاری دڵە کوتێ کەو پاشان چارەسەر کردنی .

2- دوور کەوتنەوە لە تەنگژە و فشارە دەروونیەکان .

3- وازھێنان یان کەمکردنەوەی خواردنەوەی چاو و قاوە.

4- وازھێنان لە جگەرە کێشان

5-ڕاوێژی پزیشکی پسپۆڕ ئەگەر دڵە کوتێ کە بەھۆی دەرمانەوە بوو.

6-وەرزش کردن بە بەرنامە

7-خواردنی تەندروست

8- کۆنتڕۆڵکردنی پەستانی خوێن و چەوریەکان

9- ھەندێ جار پێویست بە دەرمان دەکات لە شێوەی ھێورکەرەوەی مێشک و کەمکەرەوەی لێدانەکانی دڵ لە ژێر چاودێری پزیشکدا .