‌پسپۆڕان: به‌م شێوه‌یه‌ پشوو بده‌ن




ته‌ندروستی‌ - 

زاناكان به‌رده‌وام جه‌خت له‌سه‌ر ئه‌وه‌ ده‌كه‌نه‌وه‌ كه‌ پێویسته‌ هه‌مووان كات تایبه‌ت بكه‌ن بۆ ئه‌نجامدانی" هیچ شتێك" چونكه‌ ئه‌مه‌ سوودی هه‌یه‌.

به‌گوێره‌ی‌ ئه‌و ڕاپۆرته‌ی‌ گۆڤاری" فاست كۆمبانی" ی ئه‌مه‌ریكی بڵاویكردۆته‌وه‌ تیایدا هاتووه‌ كه‌ ناكرێت مرۆڤه‌كان به‌ به‌رده‌وامی كار بكه‌ن و بیر بكه‌نه‌وه‌ چونكه‌ مرۆڤ ڕۆبۆت و ئامێر نییه‌ و مێشك پێویستی به‌ پشوو هه‌یه‌.

مه‌به‌ست له‌ نه‌كردنی هیچ شتێك ئه‌وه‌یه‌ كه‌ مرۆڤ كات ته‌رخان بكات له‌گه‌ڵ خۆیدا و هیچ كارێك نه‌كات و پلان بۆ هیچ دانه‌نێت و ته‌نها پشوو بدات.

جای دیكست نوسه‌ری سه‌ره‌كی ئه‌م بابه‌ت زانستیه‌ و ده‌ڵێت" به‌رده‌وام لام وابووه‌ كه‌ پشوودان وه‌ستانه‌ له‌ كاركردن و ته‌ماشاكردنی تیڤی و یاریكردن و خوێندنه‌وه‌ به‌ڵام له‌ڕاستیدا پشودان واته‌ وه‌ستانی ڕاسته‌قینه‌ له‌ ئه‌نجامدانی هه‌موو كارێك و نه‌كردنی هیچ كارێكه‌ و ته‌نانه‌ت چوون بۆ سینه‌ما و ئه‌نجامدانی ڕاهێنانی یۆگاش له‌ لیستی پشووداندا نیین"
 
جای ده‌ڵێت" گه‌یشتومه‌ته‌ ئه‌و ده‌رئه‌نجامه‌ی‌ به‌سه‌ربردنی كات له‌ گه‌رماو باشترین كاتی پشووه‌ یان شۆردنی قاپه‌كانه‌ یان پیاسه‌كردنه‌ به‌ناو دارستان و ئه‌وه‌ی‌ گرنگه‌ هیچ بابه‌تێك سه‌رقاڵت نه‌كات و وه‌ستان له‌ كاركردن  و ئه‌نجام نه‌دانی هیچ كارێك بۆ ناوه‌یه‌ك یارمه‌تی زیادكردنی توانای داهێنان و به‌رهه‌مهێنانت ده‌كات"


PM:07:36:05/12/2021




ئه‌م بابه‌ته 664 جار خوێنراوه‌ته‌وه‌‌