‌5 كاریگه‌ری مه‌ترسیداری ئالوده‌بوون به‌ كاركردن


ته‌ندروستی‌ - 

زۆرینه‌ی‌ ئه‌و كه‌سانه‌ی‌ له‌ ئۆفیس و شوێنه‌ گشتیه‌كان كار ده‌كه‌ن ماوه‌ و كاتی كاركردنیان له‌نێوان8-10 كاتژمێردایه‌ و هه‌ندێك كه‌س ماوه‌ی‌ كاركردنیان ده‌گاته‌ 18 كاتژمێر له‌ ڕۆژێكدا به‌ڵام ئه‌مه‌ زیان به‌ ته‌ندروستی ده‌گه‌یه‌نێت.

پێگه‌ی‌" كلیفلاند" ی ته‌ندروستی له‌ڕێی بابه‌تێكه‌وه‌ داوا له‌ هاوڵاتیان ده‌كات هاوسه‌نگی له‌ ماوه‌ی‌ كاركردن و ژیانی ڕۆژانه‌یان ڕابگرن چونكه‌ هه‌ندێك كه‌س زیاتر له‌وه‌ی‌ پێویسته‌ خۆیان ماندوو ئه‌كه‌ن و به‌مه‌ش زیان به‌ ته‌ندروستیان ده‌گات.

پرسیاره‌كه‌ ئه‌مه‌یه‌: كاتی گونجاو چه‌نده‌ بۆ ئه‌وه‌ی‌ كه‌سێك له‌ ماوه‌ی‌ ڕۆژێكدا كاربكات؟
ئه‌نجامی توێژینه‌وه‌یه‌كی نوێ كه‌ ڕێكخراوی ته‌ندروستی جیهانی و ڕێكخراوی كاری نێوده‌وڵه‌تی ئاماده‌ی‌ كردوه‌ تیایدا هاتووه‌ كاركردن زیاتر له‌ 55 كاتژمێر له‌ ماوه‌ی‌ هه‌فته‌یه‌كدا كاریگه‌ری نه‌رێنی له‌سه‌ر ته‌ندروستی ده‌بێت.

1- كه‌مخه‌وی و پشوونه‌دانی پێویست كه‌ هۆكاره‌ بۆ توشبوون به‌ دڵه‌ڕاوكێ و دره‌نگ چاكبوونه‌وه‌ له‌ نه‌خۆشی.
2- نه‌خواردنی خۆراكی ته‌ندروست و خواردنی ژه‌می خێرا ئه‌مه‌ش زیانی بۆ ته‌ندروستی ده‌بێت.
3-دوور كه‌وتنه‌وه‌ له‌ وه‌رزش كردن.
4- پشتگوێ خستنی په‌یوه‌ندیه‌ كۆمه‌ڵایه‌تیه‌كان.
5-زیادبوونی مه‌ترسی ئالوده‌بوون به‌ مادده‌ی‌ هۆشبه‌ر و مه‌ی .


PM:07:28:01/11/2021




ئه‌م بابه‌ته 2628 جار خوێنراوه‌ته‌وه‌‌