پێشمه‌رگه‌كانی‌ سلێمانی‌ قه‌لاَكانی‌ عمال و مهندسین یان داگیر كرد


پێشمه‌رگه‌ سپۆرت - میران محه‌مه‌د

تیپی‌ شه‌تڕه‌نجی‌ یانه‌ی‌ وه‌رزشی‌ پێشمه‌رگه‌ به‌رده‌وامه‌ له‌ سه‌ركه‌وتنه‌كانی‌ و له‌ دوو یاری‌ به‌هێزی‌ جه‌وله‌كانی‌ پێنجه‌م و شه‌شه‌مدا توانیان دوو سه‌ركه‌وتنی‌ گرنگ به‌ده‌ست بهێنن و له‌ پێَشه‌نگی‌ ڕیزبه‌ندی‌ یانه‌كان بمێننه‌وه‌ .

سه‌رله‌به‌یانی‌ ڕۆژی‌ هه‌ینی‌ 22 ی‌ تشرینی‌ یه‌كه‌می‌ 2021 و له‌ پێنجه‌م جه‌وله‌ی‌ یارییه‌كانی‌ پاڵه‌وانێتی‌ شه‌تڕه‌نجی‌ یانه‌كانی‌ عێراق بۆ ئاستی‌ یانه‌ نایابه‌كان ، تیپی‌ شه‌تڕه‌نجی‌ یانه‌ی‌ وه‌رزشی‌ پێشمه‌رگه‌ دوایی‌ پیشان دانی‌ ئاستێكی‌ به‌رز له‌به‌رامبه‌ر یانه‌ی‌ عمال توانیان به‌ ئه‌نجامی‌ 5-1 یاری‌ سه‌ركه‌وتن به‌ده‌ست بهێنن و دوو خاڵی‌ یارییه‌كه‌ مسۆگه‌ر بكه‌ن .

ئه‌مه‌و له‌ شه‌شه‌م جه‌وله‌ی‌ یارییه‌كان ئێواره‌ی‌ هه‌مان ڕۆژ كوڕ و كچه‌ پاڵه‌وانه‌كانی‌ پێَشمه‌رگه‌ ڕوبه‌ڕوی‌ یانه‌ی‌ موهه‌ندسین بونه‌وه‌ و دوایی‌ یارییه‌كی‌ به‌هێز دووباره‌ و به‌ هه‌مان ئه‌نجامی‌ یاری‌ پێشویان پێشمه‌رگه‌كان سه‌ركه‌وتووبوون و خاڵه‌كانیان به‌ده‌ست هێنا .

هه‌رچی‌ به‌و ئه‌نجامه‌ بوو توانیان كۆی‌ خاڵه‌كانیان بۆ 12 خاڵ به‌رز بكه‌نه‌وه‌ و له‌ پێشه‌نگی‌ ڕیزبه‌ندی‌ یانه‌كان مانه‌وه‌ .


PM:10:56:22/10/2021




ئه‌م بابه‌ته 1964 جار خوێنراوه‌ته‌وه‌‌