فوتساڵی‌ كچان : خشته‌ی‌ یارییه‌كانی‌ هه‌فته‌ی‌ دووه‌می‌ خولی‌ پله‌یه‌ك


پێشمه‌رگه‌ سپۆرت - میران محه‌مه‌د

یارییه‌كانی‌ خولی‌ پله‌ یه‌كی‌ فوتساڵی‌ كچانی‌ یانه‌كانی‌ كوردستان به‌رده‌وام ده‌بێت و لیژنه‌ی‌ پێشبڕكێكان له‌ یه‌كێتی‌ ناوه‌ندی‌ تۆپی‌ پێی‌ كوردستان خشته‌ی‌ یارییه‌كانی‌ هه‌فته‌ی‌ دووه‌می‌ ڕاگه‌یاند .

بڕیاره‌ له‌م هه‌فته‌یه‌دا سێ‌ یاری‌ ئه‌نجام بدرێت و شاری‌ سلێمانی‌ و هۆڵی‌ ساڵح عه‌لی‌ میوانداری‌ دوو له‌ یارییه‌كانی‌ ده‌كات .

له‌ كاتژمێر 3:30 ی‌ خوله‌كی‌ پاش نیوه‌ڕۆی‌ ڕۆژی‌ هه‌ینی‌ 6 ی‌ ئابی‌ 2021 و له‌ یه‌كه‌م یاریدا و له‌ نێو هۆڵی‌ كۆچكردوو مامۆستا ساڵح عه‌لی‌ له‌ گه‌ڕه‌كی‌ ڕاپه‌ڕینی‌ شاری‌ سلێمانی‌ هه‌ردوو تیپی‌ تۆپی‌ پێی‌ فوتساڵی‌ كچانی‌ یانه‌كانی‌ خه‌لاَتی‌ پێنجوێن و چه‌م چه‌ماڵ ڕوبه‌ڕوی‌ یه‌ك ده‌بنه‌وه‌ .

له‌ هه‌مان هۆڵ و كاتژمێر 5:15 خوله‌ك كچانی‌ دووكان و پیره‌مه‌گروون یاری‌ ده‌كه‌ن و دوا یاریش له‌ كاتژمێر 5:00 و له‌ شارۆچكه‌ی‌ سۆران ئه‌نجام ده‌درێت و كچانی‌ یانه‌كانی‌ سنوور و گاره‌ ڕوبه‌ڕوی‌ یه‌كدی‌ ده‌بنه‌وه‌ .


PM:05:59:05/08/2021




ئه‌م بابه‌ته 1580 جار خوێنراوه‌ته‌وه‌‌