جێگری‌ سه‌رۆكی‌ یانه‌ی‌ وه‌رزشی‌ پێشمه‌رگه‌ به‌ربژیَره‌ بۆ فدراسیۆنی‌ تۆپی‌ پێی‌ عێراق


پێشمه‌رگه‌ سپۆرت - میران محه‌مه‌د

ئێواره‌ی‌ ڕۆژی‌ هه‌ینی‌ ده‌رگای‌ خۆپالاَوتن بۆ به‌شداری‌ له‌ هه‌ڵبژاردنه‌كانی‌ فیدراسیۆنی‌ تۆپی‌ پێی‌ عێراق  داخرا .

كاتژمێر 5:00 ی‌ ئێواره‌ی‌ ڕۆژی‌ هه‌ینی‌ 30 ته‌مووزی‌ 2021 و به‌ ئاماده‌بوونی‌ ئه‌و ئه‌ندامانه‌ی‌ خۆیان به‌ربژێر كردووه‌ بۆ به‌شداری‌ له‌ هه‌ڵبژاردنه‌كانی‌ فیدراسیۆنی‌ تۆپی‌ پێی‌ عێراق له‌ شاری‌ به‌غداد لیستی‌ ناوه‌ی‌ به‌شداران كۆتایی‌ پێهات كه‌ له‌ 27 كه‌س پێك دێن .

له‌ نێو كاندیدانی‌ به‌ربژێر سێ‌ كورد خۆیان پالاَوتووه‌ كه‌ بریتین له‌ ( مه‌حمود ئه‌حمه‌د موراد ، جێگری‌ سه‌رۆكی‌ یانه‌ی‌ وه‌رزشی‌ پێشمه‌رگه‌ ، گۆڤه‌ند عه‌بدول خالق ئه‌ندامی‌ پێشووی‌ ده‌سته‌ی‌ كارگێڕی‌ یانه‌ی‌ وه‌رزشی‌ هه‌ولێر و ته‌ها زاخۆی‌ ئه‌ندامی‌ ده‌سته‌ی‌ كارگێڕی‌ یانه‌ی‌ زاخۆ ) .

هه‌رچی‌ بۆ سه‌رۆكایه‌تی‌ فدراسیۆنه‌كه‌یه‌ هه‌ریه‌ك له‌ عه‌دنان درجال و شه‌رار حه‌یده‌ر به‌ربژێرن و هه‌ریه‌ك له‌ عه‌لی‌ جه‌بار و یونس مه‌حمودیش به‌ بێ‌ ڕكابه‌ر بۆ جێگرانی‌ یه‌كه‌م و دووه‌می‌ سه‌رۆكی‌ فدراسیۆنه‌كه‌ دیاری‌ كراون .

بڕیاره‌ له‌ به‌رواری‌ 14 ی‌ ئه‌یلولی‌ 2021 و له‌ شاری‌ به‌غداد هه‌ڵبژاردن بۆ ده‌سته‌ی‌ نوێی‌ فدراسیۆنی‌ تۆپی‌ پێی‌ عێراق ئه‌نجام بدرێت و له‌ كۆی‌ 27 به‌ربژێر 9 ئه‌ندامی‌ پیاوان و یه‌ك ئه‌ندامی‌ خانم دیاری‌ ده‌كرێن .


PM:09:44:30/07/2021




ئه‌م بابه‌ته 9308 جار خوێنراوه‌ته‌وه‌‌


زۆرترین خوێنراو‌
‌ ‌