ته‌ندروستی -
دكتۆره ماریا كارداكۆڤا پسپۆڕی ته‌ندروستی گشتی و خۆراك له وڵاتی به‌ریتانیا ڕێنمایی پیاوان ده‌كات دوای ته‌مه‌نی 40 ساڵی باشتر وایه چه‌ند جۆرێك خۆراك بخۆن له پێناو ته‌ندروستیان.
ئه‌م پزیشكه داوا ده‌كات پیاوان دوای 40 ساڵی گرنگی زۆر بده‌ن به‌خواردنی سه‌وزه و میوه له سیستمی خۆراكیان.
خواردنی سه‌وزه و میوه هه‌مه‌چه‌شنه‌كان له‌دوای ته‌مه‌نی 40 ساڵی مه‌ترسی توشبوون به نه‌خۆشییه‌كانی دڵ و ملوله‌كانی خوێن كه‌مده‌كاته‌وه به‌تایبه‌ت ئه‌گه‌ر 5 ژه‌م له ڕۆژێكدا بخورێت، جگه له‌وه‌ش به‌رهه‌مه‌كانی ئاردی بۆر بخۆن باشتره به‌راورد به به‌رهه‌مه‌كانی ئاردی سپی.