دەرچەی سنگ مەبەست لێی ئەو بۆشاییەیە کە لە نێوان ئێسکی چەڵەمە و یەکەم پەراسوی بەشی سەرەی سنگدایە کە لەڕێیەوە دەمارەکان بۆری خوێن بۆ پەلەکان ئەڕوات، دكتۆر ئارام پزیشكی نه‌خۆشییه‌كانی دڵ و ده‌مار كۆنیشانه‌ی‌ ده‌رچه‌ی‌ سنگ له‌م بابه‌ته‌دا ده‌خاته‌ ڕوو.

کۆنیشانەی دەرچەی سنگ بریتییە لە چەند گروپێک لە تێكچون کە دروست ئەبن کاتێک بۆریەکانی خوێن یاخود دەمار لە بۆشایی نێوان ئێسکی چەڵەمە و یەکەم پەراسوی سنگ (دەرچەی سنگ) پەستانیان ئەکەوێتە سەر کە ئەویش ئەبێتە هۆی ئازار لە شان و مل و سڕبوون لە پەنجەکاندا>

هۆکاری سەرەکی ئەم حاڵەتە بریتییە لە ڕووداوی کتوپر وەکو ڕووداوی ئۆتۆمبێل، یاخود دووبارە و چەندبارە بونەوەی برینداری و شکان، یاخود پێکان لە کاتی وەرزش دا ، هەندێک جار ناتەواوی لە پێکهاتەی پەراسووەکان وەکو هەبوونی پەراسوویەکی زیادە ، لە کاتی دووگیانی، هەندێک جاریش هۆکارەکەی دیار نییە.

 نیشانەکانی 

بە پێ ی جۆرەکانی ، چەند نیشانەیەک دەرئەکەون 

 ئەگەر دەمارەکان لەو ناوچەدا پەستانیان خرابووە سەر ئەوا ئەم نیشانانە دەرئەکەون:

1- پوکانەوەی ماسولکە وەک لە لەپی دەستدا دەرئەکەوێت 

2-سڕبون و مێرولەکردن لە قۆڵ و پەنجەکاندا

3- ئازار لە مل و شان و دەستدا 

4- لاوازبونی جوڵەکانی ماسولکە وەکو ماسولکەکانی دەست 

 ئەگەر بۆری خوێن پەستانیان خرابێتەسەر ئەوا ئەم نیشانانە دەرئەکەون 

1-شینبونەوەی دەستەکان و گۆرانی ڕەنگیان 

2- ئاوسانی قۆڵ و ئازار، ئەکرێ بەهۆی کڵۆی خوێنی مەییو بێت 

3-مەیینی خوێن لە خوێنهێنەر یان خوێنبەرەکانی بەشی سەرەوەی لەش

4-نەمانی ڕەنگی پەنجەکان و تەنانەت دەستیش

5-نەمان و لاوازبونی لێدانی بۆری خوێن لەو لایەی کاری تێکراوە 

6-ساردبونی دەستەکان و پەنجە و قۆڵ 

7-سڕبون و مێرولەکردنی پەنجەکان 

8-لاوازبونی قۆڵ و مل 

9-دروستبونی گرێ لە نزیک ئیسکی چەڵەمە