له‌ جه‌ژنی قورباندا به‌كارهێنه‌رانی گۆشتی سوور له‌ وڵاتانی ئیسلامی زۆر زیاد ده‌بێت، به‌ڵام پرسیاره‌كه‌ ئه‌وه‌یه‌ ئاخۆ كام جۆری گۆشت باشترینه‌ بۆ خواردن؟

كۆمه‌ڵه‌ی‌ پزیشكانی ڤێتێرنه‌ری له‌ میسر بابه‌ته‌كه‌یان به‌شێوه‌یه‌كی زانستی ڕونكردۆته‌وه‌ و تیایدا هاتووه‌" ڕه‌نگی گۆشتی فرێش پله‌كانی سووری ئاڵه‌ و بۆنی ئاساییه‌ و بۆنی ناخۆش نییه‌ به‌ڵام گۆشتی به‌ستوو شێوه‌ی‌ دیاره‌ كه‌ به‌ مشار بڕدراوه‌ و بڕێكی زۆر خوێنی پێوه‌یه‌ و سه‌باره‌ت به‌ گۆشتی مانگا ئه‌گه‌ر  چه‌وری گۆشتی مانگا ڕه‌نگی زه‌ردێكی ئاسایی بوو ئه‌وه‌ مانای وایه‌ شیاوه‌ بۆ خواردن و هه‌ركات ڕه‌نگی چه‌وریه‌كه‌ زه‌ردێكی زۆر تۆخ بوو باشتر وایه‌ نه‌خورێت"

پسپۆڕان ده‌ڵێن ئه‌گه‌ر گۆشت بڕێكی زۆر خوێنی پێوه‌ بوو و ڕه‌نگه‌كه‌ی‌ زۆر تۆخ بوو له‌كاتی كوڵاندا ڕه‌ش بویه‌وه‌ ئه‌وه‌ مانای وایه‌ ئاژه‌ڵه‌كه‌ نه‌خۆش بووه‌ یان به‌شێوه‌یه‌كی هه‌ڵه‌ سه‌ربڕدراوه‌.