خونچه‌كانی‌ پێشمه‌رگه‌ له‌گه‌ڵ بێچوه‌ شێران و تازه‌پێگه‌یشتواندا تاقیكردنه‌وه‌ ده‌كه‌ن




پێشمه‌رگه‌ سپۆرت - میران محه‌مه‌د 

تیپی‌ تۆپی‌ سه‌رمێزی‌ كوڕانی‌ یانه‌ی‌ وه‌رزشی‌ پێشمه‌رگه‌ بۆ ئاستی‌ خونچه‌كان به‌شداری‌ له‌ پاڵه‌وانێتی‌ شه‌هید جه‌مال تاهیر ده‌كات كه‌ بڕیاره‌ یارییه‌كانی‌ له‌ ڕۆژانی‌ 13 و 14 ی‌ ته‌مووزی‌ 2021 و له‌ نێو هۆڵی‌ كۆچكردوو ئاسۆ ده‌روێش به‌ڕێوه‌ بچێت .

له‌و باره‌یه‌وه‌ هه‌ردی‌ ئه‌حمه‌د ڕاهێنه‌ری‌ تیپی‌ تۆپی‌ سه‌رمێزی‌ خونچه‌كانی‌ یانه‌ی‌ وه‌رزشی‌ پێشمه‌رگه‌ تایبه‌ت به‌ پیێشمه‌رگه‌ سپۆرت ووتی‌ ، ئه‌م پاڵه‌وانێتییه‌ گرنگی‌ زۆری‌ ده‌بێت و زۆرێك له‌ یانه‌كان به‌شداری‌ تێیدا ده‌كه‌ن كه‌ ئه‌و به‌ركه‌وتن و یاریكردنه‌ی‌ یاریزانان بۆ ئاستیان سودی‌ به‌رچاوی‌ ده‌بێت .

هه‌ردی‌ ووتیشی‌ ئێمه‌ وه‌ك یانه‌ی‌ وه‌رزشی‌ پێشمه‌رگه‌ به‌ ئاستی‌ خونچه‌كان به‌شداری‌ ده‌كه‌ین و یارییه‌كانمان له‌گه‌ڵ ئاستی‌ بێچوه‌ شێران و تازه‌پێگه‌یشتوان ده‌بێت كه‌ ئه‌مه‌ش گرنگی‌ زۆری‌ ده‌بێت بۆ به‌ره‌و پێشچووی‌ ئاستی‌ یاریزانانمان .

ناوبراو ووتیشی‌ له‌ ئێستادا به‌ شێوه‌یه‌كی‌ به‌رده‌وام مه‌شق و ئاماده‌كاری‌ ده‌كه‌ین و ده‌مانه‌وێت له‌ پاڵه‌وانێتیه‌كه‌دا ئاستێكی‌ به‌رزمان هه‌بێت و زۆرترین ئه‌نجام به‌ده‌ست بهێنین .



PM:04:40:06/07/2021




ئه‌م بابه‌ته 1176 جار خوێنراوه‌ته‌وه‌‌