چۆن لە چرچبونی‌ پێستی‌ ژێر چاو خۆت دەپاڕێزیت


تەندروستی‌ -

ئامادەکردنی‌ : گوڵزار فەرەج
 
چاو یەکێکە لەو شوێنانەی‌  جەستە کە لەکاتی‌ هیلاکیدا  زۆر نیشانەی‌  لەسەر دەردەکەوێت  و ماندوو کردنی‌ دەبێتە  هۆی‌ چرچ بوونی‌  پێستی‌ چوار دەوری‌ ، هەر بۆیە  پزیشکان ئەم کارانەیان  دیاریکردووە  بۆ خۆپاراستن لە چرچبوونی‌  پێستی‌  ژێرچاو .

لەکاتی‌ خەوتندا  لەشوێنێکی‌ کراوەدا  مەخەوە ، چونکە هەوا دەچێتە ناو چاو  ئەوەش دەبێتە  هەڵئاوسان و  چرچبوونی‌  پێستی‌ ژێر چاو ، پێویستە ڕۆژانە  ٢ لیتر ئاو بخورێتەوە  کە ئەوەش نایەڵیت  ئەو بەشەی‌ پێست  چرچ ببێت ، لە کاتی‌ هەستکردن بە  چرچ بوونی‌ پێستی‌ ژێر چاوت  پەنجەکانت بەکار بهێنە  بۆ شێلان و کەمکردنەوەی‌  ئەو چرچانەی‌ تێیدایە ، ئەوەش وا دەکات  شلەو هەوای‌ کۆبوەوەی‌  ناو ئەو شوێنە  کەم ببێتەوەو هەوڵبدە بە شێوەیەکی‌ بازنەیی‌  پەنجەت بجوڵێنیت .

داخستنی‌ ماوە بە  ماوەی‌  پێڵووەکانی‌ چاو  لەکاتی‌ بەکار هێنانی‌ کۆمپیوتەردا یارمەتی‌ دەرە بۆ وشک نەبونەوه‌ی‌ چاو ئەوەش ناهیَڵیت  چاو هیچ نیشانەیەکی‌  هەڵئاوساویی‌ و  چرچبوونی‌ پێوە دیار بێت ، کەمی‌ ڤیتامین  بی‌ ٢  و ڤیتامین سی‌  هۆکارێکی‌ سەرەکییە  بۆ هەڵئاوسانی‌  پێستی‌ چواردەوری‌  چاو   و دواتریش  چرچ  دەبێت ، هەر بۆیە  پێویستە بایەخ  بەو خواردنانە بدڕێت کە ئەو ڤیتامینانەی‌ تێدایە .


PM:04:12:13/06/2021




ئه‌م بابه‌ته 1660 جار خوێنراوه‌ته‌وه‌‌