ئەم خواردنانە هەستی‌ تەمەڵی‌ ناهێڵن




تەندروستی‌ -

ئامادەکردنی‌ : گوڵزارفەرەج 

ئەو هۆکارانەی‌ دەبێتە هۆی‌ هەستکردن بە تەمەڵی‌ و لاوازی‌ بریتییە  لە پەیرەوکردنی‌  سیستەمێکی‌ خۆڕاکی‌ ناهاوسەنگ یان توشبوون  بە هەڵامەت ، یان کەم خەوی‌  یان کێشەکانی‌ ڕژێنی‌ دەرەقی‌ ، هەندێ جاریش  تەمەڵی‌ نیشانەیە  بۆ چەند جۆڕێک شێرپەنجەو لاوازی‌ .

بەڵام ئەگەر هۆکارەکەی‌ نەخۆشی‌  نەبوو  تەنها هەستێکی‌  ئاسایی‌ بێت بە تەمەڵی‌ ، ئەوا پسپۆڕان  ئامۆژگاری‌  دەدەن  پەیڕەوی‌  شێوازی‌ ژیان و  سیستەمێکی‌  خۆڕاکی‌  تەندروست بکەین بۆ نەهێشتنی‌  تەمەڵی‌ دەتوانین  تەرکیز بکەینە  سەر ئەم خواردنانە .

مۆز یەکێکە  لەو میوانەی‌ ووزە بەلەش دەبەخشێت و دەوڵەمەندە بە پۆتاسیۆم ، هەروەها  شەکر دەگۆڕێت  بۆ ووزە ، هەوڵبدە ڕۆژانە  یەک یان دوو مۆز بخۆیت  تاوەکو بەردەوام چالاک بیت .

ڕەیحانە  دەوڵەمەندە بە دژە ئۆکسان و کەرەستەی‌ بەسود بۆ لەش سەرچاوەیەکی‌ گرنگی‌ ڤیتامینەکانەو  ماسولکە بەهێز دەکات وتەمەڵی‌ ناهێڵێت .

زەیتی‌ گوێزی‌ هندی‌  زەیتێکی‌  بەسودە بۆلەش  یارمەتی‌ کەمکردنەوەی‌  کێش دەدات و بەرەنگاری‌ پەتا دەبێتەوە ، بەڵام ئەوەی‌ زۆربەی‌  خەلکی‌ نایزانن ئەوەیە کە هەستی‌ تەمەڵی‌ نایەڵێت .
 
مانگۆ سەرچاوەیەکی‌  سەرەکی‌  ئاسن و  ڤیتامینە و  ووزە بە له‌ش دەبەخشێت واتە  هەستی‌ تەمەڵی‌ نایەڵێت .



PM:08:51:14/04/2021




ئه‌م بابه‌ته 1012 جار خوێنراوه‌ته‌وه‌‌