چارەسەری‌ قەڵەوی‌ بەبێ نەشتەرگەری‌




تەندروستی‌ -

ئامادەکردنی‌ : گوڵزار فەرەج 

دەبێت مرۆڤ زۆر نەخوات هاوسەنگی‌  لەنێوان  ئارەزوی‌  خواردن و  ئەو وزەیە  بپارێزێت  کە چالاکی‌ ڕۆژانە پێویستیەتی‌  و هێندە بخوات کە وزەی‌ چالاکیەکانی‌ دابین دەکات ، ئەگەر مرۆڤ زۆر بخوات ئەوا هەموو خۆڕاکەکە  وەک چەوری‌  لە جەستەیدا  دادەبەزێت وقەڵەوی‌ دەکات .

جوڵە وەرزشیەکانیش کاریگەری‌  ئەرێنی‌  هەیە لەسەر قەڵەوی‌  ، لەبەر ئەوەی‌  ئەو بڕە خۆراکەی‌ کە  دەخوڕێت  تەنها  بەشی‌  وزەی‌  کارو  چالاکییەکان  دەکات  بەمەش ناتوانێت  بڕێکی‌ عەمبار بکات لەلەشداو ببێتە هۆی‌ قەڵەوی‌ ، لەکاتێکێشدا ئەگەر جەستە کێشی‌ زیاد بوو لە کێشە ئاساییەکەی‌ کەلە پێوانە دەربچێت پێویست بە نەشتەر گەری‌ ناکات تەنها بەکەم کردنەوەی‌ خواردنی‌  چەوری‌ و برنج و  شەکرو شیرینی‌ و بەلایەنی‌ کەمەوە  دەبێت کەسە قەڵەوەکە ڕۆژانە ٣٠بۆ٤٠  خولەک وەرزش بکات  یان هەفتانە  ٣  کاتژمێر وەرزش بکات ئه‌وه‌ش له‌ پێناو  ئەو چەوریەی‌  لەژێر پێست و هەناویدا کۆبۆتەوە  بە جوڵە وەرزشیەکان  بتوێتەوە یان كه‌سە قەڵەوەکە  دەرمانی‌ کەمکردنەوەی‌  ئارەزووی‌  خواردن بخوات  بۆ ئەوەی‌ بڕی‌ ژەمی‌  خواردنەکانی‌ کەم بکاتەوە یان دەرمانێک  بخوات  کە ڕێگری‌ لە ریخۆڵە بکات  چەوری‌ و شیرینی‌  ژەمە خۆڕاکەکان  هەڵمژێت ، بەڵام بەمەرجێک  دەبێت لەژێر چاودێری‌  پزیشکی‌ پسپۆڕ  ئەو دەرمانانە بەکار بهێنێت .


PM:08:28:12/04/2021




ئه‌م بابه‌ته 804 جار خوێنراوه‌ته‌وه‌‌