تەندروستى -
ئامادەکردنى : گوڵزار فەرەج
وەرزش سەرەکیترین و باشترین بژاردەیە هەم بۆ تەندروستى ، هەم بۆ هاوسەنگ بونى ژیان ، ئەو چالاکى و ڕاهێنان و ڕژێمانە زۆرن کە وەرزشەوان و یارى زانان ئەیگرنە بەر بۆ بە دەست هێنانى لەش و بەدەنێکى تەندروست ، یەکێک لە باشترین ڕژێم ڕژێمى ئۆکسجینىە چونکە هەموو ئەو چالاکیيە وەرزشیانەى کە ماوەى بەردەوام بونیان درێژە دەکەونە ئەم رژێمەوە ئەمەش بەهۆى ئۆکساندنى مادەکانى وەک کاربۆهیدرات و پڕۆتین و چەورییەکان بە یارمەتى ئۆکسجینى دەرەکى و ئاوهەوا ٠
لەم ڕێژێنەدا گۆڕانکاریيە کیمیاییە کان ڕودەدەن کەلەناو ماسولکەدان بۆ بەرهەمێنانى وزەى پێویست بۆ ئەنجامدانى چالاکیيە وەرزشیەکان بەبەکارهێنانى ئۆکسجینى دەرەکى ، درەنگ ماسولکەکان ماندو دەبن لەکاتى ئەنجامدانى وەرزشدا وە ترشى لاکتیک درەنگ دروست دەبێت لەم ڕژێمەدا ، بەهۆى بوونى ئۆکسجینى ناو هەواوە چەندین کارلێکى کیمیایى ئاڵۆز ڕودەدات لەناو مایتۆکۆندریا ٠
بۆمان دەردەکەوێت کەئەو وەرزشکارانەى کە مەشق زیاتر دەکەن زوتر دەگەنە باڕى جێگیرو بە بەکار هێنانى ئۆکسجینى زیاتر ، بۆیە ئەگەر کەش و هەوا لەبار بێت وەرزش دوور لە هۆڵەکان بکڕێت، باشترەوهاندەردەبێت بۆ چالاکى زیاترو هەم بینینى سروشتێکى جوان بۆ ئارامى دەرون ٠